Kataloq Elan ver Logistika

PVA YAPIŞDIRICILAR - QİYMƏTİ, SATIŞI VƏ ÇATDIRILMASI

PVA yapışdırıcılar məişət və sənaye sahəsində müxtəlif işlərin görülməsi üçün istifadə olunan və dünyaca tanınan məhsuldur. Bu yapışdırıcılar istifadə rahatlığı, yüksək etibarlılıq səviyyəsi və əlçatan qiyməti ilə digərlərindən fərqlənir. Sözügedən bu yapışdırıcıların köməkliyi ilə kağızdan tutmuş keramikaya qədər bir çox əşyaları yapışdırmaq mümkündür. 

Hazırda tikinti bazarında müxtəlif markaların PVA yapışdırıcıları satılır. Bu məhsulun bir çox növləri tez quruyan olmaqla yanaşı, yüksək keyfiyyətli olması ilə də digərlərindən seçilir. Aydın məsələdir ki, fərqli növ yapışdırıcılar müxtəlif sahələrdə təyinatına uyğun olaraq istifadə olunur. 

Həmçinin, rahat istifadə olunan bu yapışdırıcıların bu gün əsas olaraq hansı növlərinə geniş tələbat olduğuna nəzər yetirək:
  • Məişətdə istifadə olunan PVA yapışdırıcılar. Bu növ yapışdırıcılardan məişətdə kağız və kağız materialdan olan divar kağızlarını yapışdırmaq üçün istifadə olunur. Bu materialları bu yapışdırıcı ilə suvaqlı, beton və ya taxta səthlərə yapışdırmaq mümkündür. Bu məqsədlər üçün istifadə olunan yapışdırıcılar görünüş baxımından ağ və yaxud bej rəngdə olur. Həmçinin bu cür yapışdırıcılar zəif qoxuya malik olur. Bununla yanaşı, bu yapışdırıcılar Selsi şkalası üzrə mənfi 40 dərəcə temperatura kimi tab gətirmək xüsusiyyətlərinə malikdir;
  • Dəftərxana işləri zamanı istifadə olunan PVA yapışdırıcıları. Bu növ məhsuldan kağızların və yaxud kartonların yapışdırılması üçün istifadə olunur. Bu sahədə istifadə olunan yapışdırıcılar tərkibinə görə məişətdə istifadə olunan yapışdırıcılardan fərqlənir və daha axıcıdırlar. Eyni zamanda, bu yapışdırıcılar da ağ və ya bej rəngə malikdir. Lakin bununla belə, bu yapışdırıcılar şaxtaya davamlılıq xüsusiyyətlərinə sahib deyillər;
  • Universal PVA yapışdırıcılar. Bu növ yapışdırıcı kağız, katon, taxta, dəri və şüşə ilə işlərkən tələb olunur. Universal PVA yapışdırıcıları çox güclü yapışma xüsusiyyətlərinə malikdir və buna görə də sürüşkən səthlərə yaxşı yapışır. Həmçinin, Selsi üzrə mənfi 20 dərəcə temperatura kimi tab gətirmək xüsusiyyətlərinə malikdirlər;
  • Super PVA yapışdırıcılar. Bu növ standart PVA yapışdırıcısının gücləndirilmiş növüdür. Belə ki, bu yapışdırıcılar yapışqanın gücünü bir neçə dəfə artıran xüsusi tərkibə malikdirlər. Bu yapışdırıcılardan hətta keramik plitələrin divara yapışdırılması, döşəməyə linolyum vurulması üçün də istifadə edilə bilər. Həmçinin, super PVA yapışdırıcıları şaxtaya qarşı güclü dözümlülük nümayiş etdirir və mənfi 40 dərəcə temperaturda belə öz xüsusiyyətlərini itirmir. Məhz bu səbəbdən də isidilməyən məkanlarda da istifadə oluna bilər;
  • Təmir-tikinti işləri üçün PVA yapışdırıcılar. Bu yapışdırıcılar nadir hallarda bu məqsədlər üçün tək istifadə olunur. Bu yapışdırıcılar əsas olaraq kərpic, kafel və digər materialların hörülməsi üçün istifadə olunan məhlulların tərkibində möhkəmləndirici qatqı rolunu oynayır. Həmçinin, bu yapışdırıcılar şaxtaya dözümlüdür və bu səbəbdən də xaricdə həyata keçirilən işlərdə də geniş istifadə olunur. 

Bakıda ucuz qiymətə PVA yapışdırıcılar almaq artıq çox rahatdır. Belə ki, PVA yapışdırıcıları ilə bağlı onlayn kataloqda yer alan elanlara baxsaq görərik ki, bazarda hər növ PVA yapışdırıcılar münasib qiymətə satılır. Həmçinin, elanlarda yer alan təkliflər bazar qiymətinə tam uyğundur.

Daha çox bax