Kataloq Elan ver Logistika

MİNİ YÜKLƏYİCİLƏR VƏ ANBAR AVADANLIQLARI – SİFARİŞ, İCARƏ, QİYMƏTLƏR 

Müasir anbarları bir sıra əməliyyatlar icra edən mini yükləyicilər olmadan təsəvvür etmək çətindir. Bu texnika universaldır və demək olar ki, hər yerdə istifadə olunur. Bu gün anbar avadanlıqları istehsal edən müəssisələr müxtəlif ölçülərdə yükləyicilər təklif edir. Kiçik mağaza sahibindən tutmuş nəhəng müəssisə sahibinə qədər hər kəs bu variantlar arasından seçim edə bilər. 

Mini yükləyici kiçik ölçülü məkanlarda (anbarlarda, gəmilərdə) istifadə olunması nəzərdə tutulan universal texnikadır. Yükləyicilərin təkərləri əks istiqamətdə fırlanma prinsipi ilə işləyir və bu səbəbdən də bir yerdə dayanarkən öz oxu ətrafında dönə bilmək bacarığına sahibdir.

Sözügedən bu texnika dəyişdirilə bilən fərqli avadanlıqlara sahib olduqda müxtəlif iş növlərini yerinə yetirə bilər. Belə ki, mini yükləyicilər bu zaman yükləri yığmaq, qaldırmaq, qazma və təmizlik işləri görmək kimi bir sıra xüsusiyyətlərə malik olur. 

Hazırda bir sıra müasir anbarlar və mağazalar mini yüksəyicilərdən fəal şəkildə istifadə edir. Barəsində bəhs etdiyimiz bu anbar avadanlığından həm daxili məkanda, həm də açıq havada istifadə oluna bilər. Belə ki, kiçik ölçüyə və yüksək manevr qabiliyyətinə malik bu maşınlar yükləri toplamaq və çeşidləməklə yanaşı, yağıntı zamanı qarı kürüyə, küçəni təmizləyə və digər oxşar tapşırıqları da yerinə yetirə bilir. 

Mini yükləyicilər də digər texnikalar kimi hərəkət formasına görə iki növə ayrılır. Bunlar təkərli və tırtıllı yükləyicilərdir. Tırtıllı təkərlərə sahib yükləyicilərdən əksər hallarda açıq məkanlarda istifadə olunur. Belə ki, tırtıllar şəhər daxilində asfalt örtüyünə, anbarlarda isə döşəmə səthinə ziyan vurur. Lakin bu növ yükləyicilər kənd sahəsi və açıq məkanlarda əvəzolunmazdır. 

Təkərli modellər isə anbar və kommunal təsərrüfat sahəsində çalışan müəssisələr tərəfindən geniş istifadə olunur. 

Bununla yanaşı, mini yükləyicilərdən anbar ərazisində istifadə etməyin bir sıra üstün cəhətləri var. Bu cəhətlərdən ən önəmlisi mini yükləyicilərin əmək məhsuldarlığını artırmağa şərait yaratmasıdır. Belə ki, bu cür texnikanın olması malların yüklənməsi prosesini əhəmiyyətli dərəcədə yüksəldir və ümumi iş prosesini rahatlaşdırır. 

Anbar avadanlığının satışı bazarında bir sıra sərfəli təkliflər mövcuddur. Həmçinin, mini yükləyicidən istifadə etmək əl əməyi ilə bağlı həm zaman, həm də vəsaitlərə qənaət etməyə imkan verir və ümumi anbarın işini optimallaşdırır. Lakin yükləyici seçərkən onun görəcəyi işi nəzərə almaq mütləqdir. Yalnız bundan sonra texnikanın növünü seçmək daha məqsədəuyğundur. Ekspertlər məhz brend olduğuna görə texnikalara çox pul ödəməməyi, yükləyicinin keyfiyyətinə önəm verməyi tövsiyə edirlər. Mini yükləyiciyə ehtiyac duyan hər kəs mini yükləyicilərin icarə qiymətləri ilə maraqlandıqdan sonra seçim etsələr uduzmazlar.


 

Daha çox bax