Kataloq Alıcının sifarişi Logistika

Parket (0 elan)

PARKET - QİYMƏTİ, SATIŞI VƏ ÇATDIRILMASI

Parket döşəmə örtükləri sırasında xüsusi yerə malikdir və öz dəbdəbəli görünüşü ilə fərqlənir. Bu material öz yüksək keyfiyyəti, möhkəmliyi və orijinallığı ilə seçilir. Təbii ki, parketlərin belə populyarlıq qazanması əbəs yerə deyil. Belə ki, parket döşəmə örtükləri əsas olaraq palıd və fıstıq ağacları kimi möhkəm materialdan hazırlanır. Bununla yanaşı, palıd ağacından olan material göz oxşayan və aydın seçilən zolaqlara sahibdir. Bu səbəbdən də bu materialdan hazırlanan döşəmələr evə xüsusi xoş görünüş qazandırır. 

Parket lövhələrdən döşəmə örtüyü olaraq uzun illərdir ki, istifadə olunur. Bu material ilə evlərin, muzeylərin, şənlik keçirilən salonların, inzibati binaların, hətta idman zallarının döşəməsi vurulur. Həmçinin, parketlərdən son zamanlar basketbol, voleybol və yüngül atletika zallarının təchiz edilməsi zamanı da istifadə olunmağa başlanılıb. Bununla yanaşı, parketlərin quraşdırılması asan proses olduğundan təmiri tez bir zamanda yekunlaşdırmağa imkan yaradır. 

Parket lövhələrin əsas olaraq aşağıdakı növləri ayırd edilir:
  • Parket lövhəsi;
  • Massiv parket;
  • Ekzotik parket;
  • Bədii parket;
  • Pronto;
  • Modul Parket;
  • Bambuk parket;
  • Vinil parket və s.

Beləliklə, parketin növləri geniş olduğundan müştərilərə çox sayda seçim imkanı yaradır. Bununla yanaşı, parketlərin gündən-günə yeni növlərinin istehsal olunmasına baxmayaraq, klassik parketlər hələ də öz populyarlığını qoruyur. 

Bu gün də keçmişdə olduğu kimi keyfiyyətli parket döşəmə örtükləri yüksək qiymətləndirilir. Müasir lövhələr isə öz növbəsində bir sıra müasir xüsusiyyətlər ilə təchiz edilir. Bunlar parketlərin ekoloji cəhətdən təmiz olması, səs izolyasiyası xassələri və tikinti bazarında sahib olduğu prestijdir. 

Bakının və ümumilikdə ölkənin tikinti bazarında geniş çeşiddə parket məhsullarının satışı həyata keçirilir. Parketlərin qiyməti laminatdan fərqli olaraq bir qədər baha olsa da, Bakıda ucuz parket tapmaq hər zaman mümkündür. 

Daha çox bax