Kataloq Elan ver Logistika

DSP - QİYMƏTİ, SATIŞI VƏ ÇATDIRILMASI

DSP lövhələr müasir istehsalat sahəsində özünəməxsus yerə sahibdirlər. Sahib olduğu bir sıra müsbət xüsusiyyətlər və münasib qiyməti sayəsində DSP lövhələrdən bir çox sahələrdə geniş istifadə olunur. Belə ki, bu material inşaat, maşınqayırma, dekor və mebel hazırlanması kimi sahələrdə əvəzolunmaz materialdır.

Bu materialdan istifadə şərtləri kifayət qədər rahat və asandır. Lakin kiçik bir nüansa diqqət yetirmək lazımdır. Sözügedən bu lövhələr yüksək rütubəti elə də sevmir. Bu səbəbdən də DSP lövhələrdən istifadə edərkən bu cəhəti nəzərə almaq lazımdır. Bununla belə, tikinti sahəsi güngən-günə təkmilləşir və bu məsələ də yavaş-yavaş öz həllini tapır. Belə ki, son zamanlar rütubətin təsirinə məruz qalmayan və öz xüsusiyyətlərini itirməyən DSP lövhələr istehsal olunur.

Hazırda inşaat sahəsində birqatlı, üçqatlı, beşqatlı və qatları müxtəlif qalınlıqda olan DSP lövhələr geniş olaraq istehsal olunur. Qeyd etmək lazımdır ki, DSP lövhələrin əsas üstün cəhətlərindən biri yüksək keyfiyyətli olmaqları ilə yanaşı qiymətlərinin baha olmamasıdır. Bu material həm inşaat, həm də məişət sahəsində istifadə olunduqda yüksək göstəricilər nümayiş etdirir. Həmçinin, DSP lövhələrin laminə edilmiş və cilalanmış növləri də mövcuddur.

Beləliklə, DSP lövhələrdən əsas olaraq aşağıdakı sahələrdə və qeyd olunan işlərin icrası üçün istifadə olunur:
  • Mebel istehsalı sənayesi;
  • Təmir-tikinti sahəsində arakəsmələrin, döşəmə və tavanların vurulması zamanı ilkin qat olaraq;
  • Dizayn işləri;
  • Qablaşdırma;
  • Maşınqayırma;
  • Dam örtüklərinin vurulması;
  • İnşaat sahəsinin hasarlanması.
Əlbəttə bu siyahını uzatmaq da mümkündür. Bununla yanaşı, bu taxta lövhələr bir sıra üstün cəhətlərə malikdir və bu da bu materiala olan böyük tələbi izah edir. Bu cəhətlər isə aşağıdakılardır:

Qiyməti çox münasibdir;
Ekoloji cəhətdən təmizdir;
Üzərində düyün və çuxurlar yoxdur;
İstifadə şərtləri rahat və asandır.

Göründüyü kimi, DSP lövhələrdən istifadə olunan sahələr kifayət qədər genişdir. Üstəlik, illər keçdikcə bu sahələrin sayı da artır. Bu səbəbdən də həm ölkəmizin, həm paytaxt Bakının tikinti materialları bazarında DSP lövhələrin satışı fəal olaraq həyata keçirilir. Bu lövhələri isə ən münasib qiymətlərlə həm topdan, həm də pərakəndə almaq mümkündür.

Daha çox bax