Haqqımızda

Şirkətimiz

Tikin.az layihəsi Azərbaycanda tikinti materiallarının onlayn kataloqu və qiymət aqreqatorudur. Saytımız 2017-ci ildən audit və konsaltinq xidmətlərinin göstərilməsini həyata keçirən bir Finance Groupe məhsuludur. Şirkətimiz bazarın bütün özəllikləri ilə yaxından tanışdır və müştəri üçün ən optimal satıcını tapmağa şərait yaradır.

Həmçinin, portalımız ölkəmizdə tikinti materiallarının onlayn kataloqu rolunu oynayır və müştərilərin maksimum rahatlığını nəzərə alaraq tərtib edilmişdir. Belə ki, saytımız müştəriyə ona ən yaxın satıcını və ən ucuz qiymət təklifini tapmağa imkan verir. Hər hansı bir tikinti materialı əldə etmək arzusunda olan müştəri portalda yaşadığı qəsəbəni seçməklə onunla eyni qəsəbədə olan satıcıların təkliflərini görəcəkdir. Bununla belə, portalımız müştəriyə ən ucuzundan tutmuş ən baha məhsula qədər qiymət aralığını seçmək şansı da yaradır. Tikin.az saytı hər bir müştərinin istəyinə uyğun tikinti materialları və loqistika elanlarına sahibdir. 

Missiyamız

Tikin.az tikinti materialları və loqistika kataloqu saytı olaraq əsas missiyamız Azərbaycanda tikinti materialları bazarına, ümumilikdə isə ölkə iqtisadiyyatına öz tövhəmizi verməkdir. Bununla belə, məqsədimiz portalımız vasitəsilə hər bir satıcını axtardığı müştəri, hər bir müştərini isə arzusunda olduğu məhsul ilə təmin edərək bazardakı qeyri-bərabərliyi aradan götürməkdir.

Gələcəyə baxış

Portalımız tikinti sahəsində məhsulların satışı ilə bağlı xidmətləri tam onlayn formaya keçirməkdə maraqlıdır. Tikinti məhsullarının satışını və ödəmə prosesini onlayn platforma vasitəsilə həyata keçirərək bu xidmət sahəsi üzrə yeniliklərə imza atacağıq. Saytımızın günü-gündən müştərilər üçün münasib seçim imkanı yaradan əvəzolunmaz bir vasitəyə çevriləcəyinə ümid edirik.