Kataloq Elan ver Logistika

AKUSTİK MATERİALLAR - QİYMƏTİ, SATIŞI VƏ ÇATDIRILMASI

Güclü və əsəblərə toxunan səslər insanların həyat keyfiyyətini pisləşdirir, istirahət etməyə və dincəlməyə mane olur. Adətən kənar səslər pəncərələr vasitəsilə izolyasiya edilsə də, bəzi səslər hətta pəncərələrdən də keçir. Məhz bu cür səsləri izolyasiya etmək və yaxud udmaq üçün müxtəlif akustik materiallardan istifadə olunur. 

Xoşagəlməz səslər müxtəlif ötürücü mezanizmə sahib olurlar və 3 növə bölünürlər:
  • Zərbə;
  • Hava;
  • Strukturlu.

Zərbə səsləri evin divarlarına güclü mexaniki təsirlərin nəticəsidir. Bunlar drel, çəkic səsi və təmir zamanı eşidilən digər səslər ola bilər. 

Havadan gələn səslər isə adından da göründüyü kimi hava vasitəsilə ötürülür. Bu növə nümunə olaraq insan və heyvan səslərini, televizordan, musiqi mərkəzlərindən və alətlərindən gələn səsləri göstərə bilərik. 

Strukturlu səslər isə evlərin müxtəlif sistemlərinin (lift, isitmə sistemi, ventilyasiya, su təchizatı sistemləri) işləməsi nəticəsində yaranır. Adətən hər üç növün səsləri birləşərək zərərli fon səsləri yaradır. Bu isə öz növbəsində yuxu pozğunluğuna, əsəbilik və narahatlığa səbəb ola bilər. Bununla yanaşı, həddindən artıq yüksək səs səviyyəsi bəzi əsəb xəstəliklərinin yaranmasına da gətirib çıxarır. 

Akustik materiallar texnologiyası ilə yaradılan dekorativ akustik materiallar isə insanları məhz bu kimi problemlərdən xilas etmək üçündür. Bu materialların əsas məqsədi hər hansı məkanı akustika ilə təmin etməkdir. Sözügedən məhz bu məqsədlər üçün xüsusi akustik tavanlar və divar plitələrindən istifadə olunur. Bu məhsullar verilən tapşırığın növündən asılı olaraq səsi effektiv şəkildə uda və ya əks etdirə bilir. Beləliklə, akustik materialların növləri səsi udan və səsi izolyasiya edən materiallara bölünür.

Səsi udan materiallardan əsas olaraq səsin zəiflədilməsinə ehtiyac duyulan istehsalat binalarında və texniki qurğuların səsudan üzlüklərində istifadə olunur. Bununla yanaşı, səs udan materiallardan hər hansı səsli məkanda optimal eşitmə şəraiti yaratmaq, yaxud məkanın akustik xüsusiyyətlərini yaxşılaşdırmaq üçün istifadə olunur.

Səs izolyasiyasından isə aşağıdakı məkanlarda istifadə olunur: 
  • Ofislər, kabinetlər, konfrans zalları;
  • Xəstəxanalar, restoranlar, gözləmə zalları;
  • Kinoteatr və teatrlar;
  • Musiqi məktəbləri, konsert salonları və s. 

Dünyanın bir çox yerində olduğu kimi, ölkəmizdə, xüsusilə də Bakıda akustik materiallara böyük tələbat var və bu materialların satışı fəal şəkildə həyata keçirilir. Onlayn kataloqda həmçinin akustika materialları elanları da yer alıb. Onlar vasitəsilə istənilən növ keyfiyyətli material əldə etmək çox rahatdır. Akustik materialların qiyməti isə məhsulun texniki xüsusiyyətlərindən asılı olaraq dəyişir. 

Daha çox bax