Kataloq Elan ver Logistika

YÜK QALDIRICI KRANLAR VƏ QÜLLƏLİ KRANLAR

Hündürmərtəbəli tikililərin inşası zamanı yük qaldırıcı kranlardan geniş istifadə olunur. Tikinti sahəsində yüklərin qaldırılması və yerləşdirilməsi üçün bir neçə yük qaldırıcı kran görmək mümkündür. Bu kranlar özüyeriyən, qülləli, stasionar və xüsusi təyinatlı olmaqla dörd qrupa bölünür.

Qülləli kranlara digər növ kranlara olduğu kimi böyük tələbat var. Bu kranlar hündürmərtəbəli binaların, iri ölçülü tikililərin inşası zamanı rəqib tanımırlar. Qülləli kranların əsas tapşırığı yükü çox hündür məsəfəyə qaldırmaq və orada yerləşdirməkdir. Bu kranlar əsas olaraq evlərin, sənaye obyektlərinin, su bəndlərinin, gəmilərin inşasında istifadə edilir.

Az mərtəbəli obyektlərin inşası zamanı yüksək manevr bacarığına sahib və daha yığcam olan avtokran köməyə çatır. Həmçinin, qülləli texnikadan istifadə edilməsi mümkünsüz olan yerlərdə məhz bu növ yük qaldırıcı krandan istifadə edilir.

Anbar şəraitində yüklərin yığılması və boşaldılması üçün körpülü kranlar daha uyğundur.

Hər hansı inşaat və yaxud digər işlər zamanı yük qaldırıcı kran seçərkən aşağıdakı cəhətləri nəzərə almaq mütləqdir:
  • Kranın maksimum yük qaldırma bacarığı;
  • Yükü qaldırma səviyyəsi;
  • Tikinti meydançasında hərəkət rahatlılığı;
  • İstifadə rahatlığı və dözümlülüyü.

Bununla yanaşı, kran seçməzdən əvvəl görüləcək işin miqyasını və yük qaldırıcı kranın imkanlarını diqqətlə nəzərdən keçirmək lazımdır.

Hər hansı iş üçün qaldırıcı kran seçərkən görüləcək işin çətinlik dərəcəsini və spesifikliyini nəzərə almaq mütləqdir. Əgər inşaat şirkəti hündürmərtəbəli yaşayış binası inşa edirsə və beton blokların, plitələrin və digər ağır yüklərin qaldırılması tələb olunursa bu zaman ən optimal variant qülləli kranlardır.

Yəgin ki, hər kəs Bakı və ölkənin digər şəhər və rayonlarında daim davam edən inşaat işlərinin şahidi olub. Tikinti sahəsi daima tələbat olan və genişlənən sahədir. Bu sahə genişləndikcə yeni-yeni inşaat işləri başlayır və sözsüz ki, effektiv və sərfəli yük qaldırıcı kranlara ehtiyac yaranır. Azərbaycanın tikinti bazarında qülləli kranlar və ümumi yük qaldırıcı kranlarının həm satışı, həm də icarəsi mütləqdir. Qülləli kranların qiymətləri isə sahib olduğu texniki xüsusiyyətlərə tam uyğundur və hər müştərinin ehtiyaclarını qarşılamağa xidmət edir.  

Daha çox bax