Kataloq Alıcının sifarişi Logistika

Mastika bitum (1 elan)

MASTİKA BİTUM - QİYMƏTİ, SATIŞI VƏ ÇATDIRILMASI

Artıq uzun illərdir ki, müxtəlif tərkiblərdə hazırlanan mastika təmir-tikinti zamanı qiymətli tikinti materialı rolunu oynayır. Mastikadan ən son qat olaraq dam örtüklərinin təmiri zamanı istifadə olunur. Bu proses zamanı mastika bitumdan digər modifikasiya edici materiallarla birgə istifadə olunduqda örtük uzunömürlü və etibarlı olur. 

Bu materialdan istifadə edilən sahələrin sayı kifayət qədər çoxdur və sözügedən bu sahələrə uyğun olaraq müxtəlif növlərə bölünür. Bununla yanaşı, mastika bitumdan əsas olaraq dam örtüklərinin vurulması zamanı geniş istifadə olunur. Mastika bitumdan istifadə ildən-ilə daha da genişlənir və bunun da səbəbi var. Belə ki, bu material ucuzdur və istifadə qaydaları çox asandır. Onların bu xüsusiyyəti həm materialın alınması, həm də iş xərcləri ilə bağlı vəsaitlərə qənaət etməyə kömək edir. Qiymətinin ucuz olması bu materialın keyfiyyətinə əsla xələl gətirmir və əldə olunan hidroizolyasiyanın keyfiyyətini yüksək səviyyədə saxlamağa imkan verir. 

Bu gün dam örtükləri üçün istifadə olunan mastika bitum sintetik və təbii əsarlarda əlavələrlə istehsal olunan plastik hidroizolyasiyaedici materialdır. Bu materialın tərkibi müasir və kimyəvi üzvi birləşmələr ilə modifikasiya olunduğundan şaxta və istiyə yaxşı davamlılıq nümayiş etdirirlər. Mastika bitum öz təkamülü boyunca bir sıra xüsusiyyətlərinə görə digər növlərdən fərqlənib. Bu xüsusiyyətlərin ən başlıcası ondan ibarətdir ki, bu materialı həm paslı, həm də nəm səth üzərinə vurmaq mümkündür. Bununla yanaşı, keyfiyyətli mastika bitum tez quruyur və möhkəmləndirici tərkibə malikdir. Ümumilikdə isə bu materialın istifadə qaydaları çox rahatdır. 
Həmçinin, mastika bitum “qaynar” və “soyuq” olmaqla iki əsas növə ayrılır. “Qaynar” mastikanı adından da göründüyü kimi, istifadə etməzdən əvvəl odda qızdırmaq lazımdır. “Soyuq” mastikanı isə hər hansı ön hazırlıq olmadan tələb olunan hissəyə vurulur. Hər iki növdən isə fərqli sahələrdə istifadə olunur. Əvvəlcədən hazırlıq tələb edən mastikadan dam örtükləri üçün rulonlu materialların yapışdırılması zamanı istifadə olunur. Həmçinin bu növ mastika çox qatlı dam örtüklərinin təqəbələrinin yapışdırılması zamanı da tətbiq olunur. Soyuq mastikadan da həmçinin dam örtüklərinin və hidroizolyasiya materiallarının yapışdırılması zamanı istifadə olunur. Həmçinin bu mastika dam örtüklərində yaranan hər hansı çatların və boşluqların doldurulması zamanı da köməyə gəlir. Bununla yanaşı, soyuq mastika ilə işləmək qaynar mastika ilə müqayisədə daha rahatdır. Lakin istənilən halda hər iki növ mastika vurulduqda bütün, monolit və çıxıntısız səth yaradır. 

Payız aylarının əsasən yağışlı keçdiyi paytaxtımız Bakıda bu materiala tələbat çoxdur. Bu gün ölkənin təmir-tikinti bazarında hər növ mastika bitum satılır. Qiymətinin baha olmaması sayəsində bazarda hər müştəri üçün münasib mastika bituma rast gəlmək mümkündür. Bununla yanaşı, bir çox satıcılar həm xarici, həm də yerli istehsal olan mastika bitum təklif edir.

Daha çox bax