Taxta inşaatda istifadə olunan əsas materiallardan biridir və müxtəlif çətinlikdə konstruksiyaların və binaların inşası zamanı istifadə olunur. Son dərəcə universal olan bu materialdan evlərin, daldalanacaqların, döşəmələrin, tavanın inşası üçün tez-tez istifadə olunur. Həmçinin müxtəlif növ taxtalar mebel və ev dekorasiyası sahəsində də üstünlük verilən materialdır.
Taxtadan tikinti materialı olaraq istifadə etməyin bəlkə də ən böyük üstünlüklərindən biri onun təbii resurs olmasıdır. Bu isə taxta istehsalını digər məhsullara nisbətən daha rahat, məhsulu isə əlçatan və iqtisadi cəhətdən səmərəli edir.
Taxtanın üstün cəhətlərini saymaqla bitməz. Bu material çox möhkəmdir və soyuqdan izolyasiyanı təmin edir. Üstəlik istənilən konstruksiyaya uyğun gəlməsi üçün taxtaları bir çox forma və ölçülərə salmaq mümkündür.
Ölkəmizin tikinti bazarında istənilən növ inşaat prosesi üçün hər növ taxtaların, şalbanların, taxta üzlüklərin satışı həyata keçirilir. Bünövrədən tutmuş tavan üçün taxtalara qədər çox sayda məhsullar kifayət qədər münasib, ucuz qiymətə satılır. 2*10 sm, 2*8 sm, 3*10 sm, 5*10 sm, 5*15 sm, 5*20 sm ölçülərində taxta növləri tikinti zamanı keyfiyyətli nəticə əldə etməyə imkan verir. Taxtanın istər ucuz, istərsə də baha olmasından asılı olmayaraq bu material daim tələbat olan məhsullardan biri olaraq qalır.