Kataloq Alıcının sifarişi Logistika

Kafel-metlax (5 elan)

KAFEL - METLAX - QİYMƏTİ, SATIŞI VƏ ÇATDIRILMASI

Kafel-metlax tikinti materialları sırasında böyük populyarlıqla istifadə olunan məhsullardan biridir. Kafellər həm məişət, həm də bir çox digər sahələrdə geniş istifadə olunur. Keramikadan olan digər məhsullar kimi kafellər də möhkəmdir, asanlıqla yuyulur və gigiyenikdir. Kafellər bu və ya digər xüsusiyyətləri sayəsində geniş müştəri kütləsi tərəfindən alınır və təmir-tikinti zamanı demək olar ki, əvəzsiz material rolunu oynayır.

Bu gün çox sayda istehsalçı tikinti bazarını kifayət qədər geniş çeşiddə material ilə təmin edir. Bu növlər isə tikilinin müəyyən yerlərində, daxildə və xaricdə istifadəyə görə ayrı-ayrılıqda qruplara bölünür. Kafel-metlaxın növlərinin çox və fərqli olması bu sahələrin sayını bir qədər də artırır.

Beləliklə, kafel-metlaxdan əsas olaraq istifadə olunan sahələrə nəzər salaq:
  • Döşəmə və divarlar üçün kafellər. Kafelləri evin istənilən otağına və yaxud ofisə vurmaq olar. Keyfiyyətli kafel ilə istənilən mükəmməl nəticəni əldə etmək mümkündür. Belə ki, bu zaman müasir və gözoxşayan interyer nümunəsi yaradılacaqdır. Döşəmələr üçün sürüşməyən və bəzəkli keramik plitələrdən istifadə olunması daha məqsədəuyğun hesab edilir. Bununla yanaşı, bu məqsəd üçün istifadə olunan kafellər xüsusi qulluq tələb etmir və onları təmizləmək də çox rahatdır;
  • Hamam otağı üçün kafel-metlax plitələr. Sözügedən bu məkanda kafellərdən divar və döşəmə üçün istifadə olunur. Aydın məsələdir ki, hamam otağı nəmişlik olan əsas məkanlardan biridir və bu səbəbdən də hamamlarda keramik plitələrdən istifadə etmək düzgün seçimdir. Sahib olduğu müsbət xüsusiyyətlər sayəsində bu kafellər öz cəlbedici xarici görünüşünü itirmir və deformasiya olmur. Bununla yanaşı, kafellər kimyəvi vasitələrin və şampun, duş geli, bədən lasyonları və s. kimi kosmetik məhsulların təsirinə məruz qalmır;
  • Mətbəx üçün kafel plitələri. Mətbəx nəmişliyin çox olduğu məkanlardan biri olmasa da, daimi yemək hazırlama prosesi müvafiq materialın olmasını tələb edir. Həmçinin, mətbəx kafellərinin səthi hamar olduğundan tez bir zamanda və rahatlıqla təmizlik işləri həyata keçirməyə imkan verir.

Bununla yanaşı, kafel-metlax binaların üzlüyü olaraq da istifadə olunur. Xaricdə istifadə olunan keramik plitələr istilik izolyasiyası xüsusiyyətlərinə malikdirlər ki, bu da həmin kafellərdən ölkənin soyuq bölgələrində daha çox istifadə etməyə imkan verir. Həmçinin, kafellərdən hovuzların inşası və təmiri zamanı da istifadə olunur. 

Kafel-metlax satışı tikinti bazarında özünəməxsus yerə malikdir və böyük tələbatla alınır. Digər tikinti materialları kimi, kafel-metlaxları da Bakıda və digər bölgələrdə ucuz qiymətə əldə etmək mümkündür. Müxtəlif işlər üçün bu məhsulu almaq istəyən müştərilər kafel-metlax kataloquna nəzər yetirərək ən münasib seçimi edə bilər. Sözügedən onlayn kataloqda hər növ kafelin satışı ilə bağlı elanlar yer alıb və bunların da vasitəsilə kafel-metlax plitələrini ən sərfəli şərtlərlə sifariş etmək mümkündür. Kafellərin qiyməti isə baha olmayaraq bütün müştərilərin tələblərinə cavab verəcək səviyyədədir.

Daha çox bax