Kataloq Elan ver Logistika

TƏHLÜKƏSİZLİK SİSTEMLƏRİ - QİYMƏTİ, SATIŞI VƏ ÇATDIRILMASI

Təhlükəsizlik sistemləri müasir dövrdə bir çox sahələrdə əhəmiyyətli və əvəzsiz rola malikdir. Çoxsaylı iş yerləri, ofislər, mağazalar, biznes və ticarət mərkəzləri, hotellər və fərdi evlər kənar şəxslərin müdaxiləsinə qarşı gücləndirilmiş nəzarət tələb edir. 

Bu səbəbdən də təhlükəsizlik sistemləri bazarı iri addımlarla irəliləyir və burada gündən-günə müxtəlif funksiyalara malik sistemlər və qoruyucu vasitələr satışa çıxarılır. Hər hansı təhlükəsizlik sistemi alarkən mühafizəsi tələb olunan konkret obyektin xüsusiyyətləri nəzərə alınaraq seçim edilməlidir. 

Bu gün mühafizə sistemləri əsas olaraq yüksək texnoloji avadanlıqlardan ibarət olur. Bunlar isə aşağıdakılardır:

Videomüşahidə kameraları

Siqnalizasiya

Giriş-çıxışa nəzarət və idarəetmə

Bütün bunlar təhlükəsizliyin təşkili və təmin edilməsində insan amilini əhəmiyyətli dərəcədə azaltmağa və xətaları minimuma endirməyə kömək edir. Əlbəttə ki, cinayətkarlar xakerlik bacarıqlarını daim inkişaf etdirirlər, amma etiraf etməliyik ki, bu cür cihazlar mühafizəni təhlükəsizlik işçisindən daha yaxşı təşkil edir və yerinə yetirir. 

Videomüşahidə qaydaları təhlükəsizlik tədbirləri ilə yanaşı ofislərdə iş rejiminə nəzarət və bütün qayda pozuntularının aradan qaldırılması məqsədilə də quraşdırılır. Hər müəssisə və iş yerində təhlükəsizliyin təmin edilməsi həmin məkana uyğun olaraq həyata keçirilir. Kompleks təhlükəsizlik tədbirlərinə isə yanğın əleyhinə avtomatik siqnalizasiya, yanğın zamanı insanların təxliyyəsinin idarə olunması və işıqlandırma sistemləri, avtomatik yanğınsöndürmə sistemləri və s. aiddir.

Bununla yanaşı, mühafizə sistemlərinə siqnalizasiya və həyəcan siqnalları, videomüşahidə və videodomofon sistemləri, oğurluq əleyhinə sistemlər də daxildir. Təhlükəsizlik sistemləri bazarında yuxarıda qeyd edilənlərlə yanaşı bir çox digər sistemlər də mövcuddur. 

Mühafizə sistemləri bazarında həm evlərin, həm də mağaza və iş yerlərinin təhlükəsizliyini yüksək səviyyədə təmin etmək üçün avadanlıq və cihazlar satılır. Bu sistemləri isə ən münasib və sərfəli şərtlərlə əldə etmək mümkündür. Sözügedən bu sistem satıcıları yaranan hər bir problemlə bağlı müştəriləri daim maarifləndirmək və lazımi informasiya ilə təmin etmək iqtidarındadırlar.


 

Daha çox bax