Beton tikinti bazarında özünəməxsus rola malikdir. Betonlardan həm məişət yönümlü, həm sənayə, həm təmir, həm də yolların örtülməsi zamanı uğurla istifadə olunur. Bütün bunlar isə sözügedən bu tikinti materialının özünəməxsus xüsusiyyətləri sayəsində mümkün olur.
Bildiyimiz kimi beton süni mənşəli tikinti materialıdır və qumun, sementin, iri və yaxud kiçik doldurucuların və suyun qarışığından əmələ gəlir. Tərkibində yer alan materiallardan asılı olaraq betonun çox sayda müxtəlif növləri istehsal olunur.
Müasir dünyada hər hansı bir inşaatı betonsuz təsəvvür etmək çətindir. Belə ki, inşa edilən tikintinin uzun ömürlü və etibarlı olmasını məhz beton təyin edir.
Betonlar əsas təyinatına, tərkibindəki doldurucu materiallara, quruluşuna və sərtliyinə görə fərqlənirlər.
Bununla yanaşı, betonun keyfiyyəti onun sahib olduğu yüksək xüsusiyyətlər ilə müəyyən edilir. Belə ki, betonun əsas müsbət xüsusiyyətləri onun möhkəmliyi, suya davamlı olması, istilik keçiriciliyi və şaxtaya davamlı olmasıdır.
Azərbaycanda tikinti bazarında ən bahadan tutmuş ən ucuz qiymətə qədər hər növ beton tapmaq mümkündür. Beton qiymətləri məhsulun növündən, markasından və xüsusiyyətindən asılı olaraq dəyişir. Betonun möhkəmliyi “M” hərfi və 50-dən 1000-ə qədər rəqəmlərlə ifadə olunur. Hazırda tikinti bazarında hər növ betonların topdan satışı həyata keçirilir. Çox sayda satıcıların təklif etdiyi (M100) B7,5, (M200) B15, (M300) B22,5, (M400) B30 markalı və klaslı betonların qiymətlərini nəzərdən keçirərək ən münasib seçimi edə bilərsiniz.