Kataloq Alıcının sifarişi Logistika

Plastik boru (0 elan)

PLASTİK BORU - QİYMƏTİ, SATIŞI VƏ ÇATDIRILMASI

Plastik materialdan hazırlanan məhsullar müasir dövrdə həyatımızın ayrılmaz hissəsinə çevrilib. Əbəs yerə deyil ki, insanlar artıq uzun illərdir istifadə etdikləri ağır metal materialları plastik materiallar ilə əvəzləməyə başlayıb. Məişət, inşaat və sənaye sahəsində metal materialları əvəz edən digər məhsul plastik borulardır. Belə ki, plastik borular metal nümunələrdən daha ucuz olmaqla yanaşı, kənar və kimyəvi təsirlərə daha az məruz qalırlar. Bu səbəbdən də qeyd olunan sahələrdə insanlar artıq seçimlərini plastik borulardan yana etməyə başlayıb.
Beləliklə, plastik və yaxud polimer borular universal və geniş yayılmış materialdır. Plastik borular özləri də polietilen, polipropilen (PP), polivinilxlorid (PVC) və metal-plastik növlərə ayrılır. Hər növ isə ayrı-ayrılıqda müəyyən xüsusiyyətlərə və fərqli istifadə olunma sahələrinə sahibdirlər.

Plastik borulardan istifadə olunan sahələrin sayı kifayət qədər çoxdur. Belə ki, polimer borulardan inşaat sahəsində müəyyən işlərin icrası, məişət yönümlü içməli, qaynar və soyuq suyun verilişi, həmçinin digər maye və qaz halında olan maddələrin daşınması üçün istifadə olunur. Bununla yanaşı, plastik borular kanalizasiya və istilik sistemlərinin çəkilməsi zamanı da əla vasitədir.
Həmçinin, polimer borular elektrik və rabitə naqillərinin, fiber-optik kabellərin və s.nin çəkilməsi üçün müdafiə kanalı olaraq da istifadə oluna bilər.

Qeyd etmək lazımdır ki, polietilen borulardan hazırlanmış su borularının istifadə müddəti 50 ildir. Polad materialdan olan borularda isə bu göstərici 20 ildən çox deyil.

Bununla yanaşı, plastik borular digər materialdan olan nümunələr ilə müqayisədə aşağıdakı üstün cəhətlərə malikdirlər:
  • Davamlı və dayanıqlıdır;
  • Daimi baxım tələb etmir;
  • Korroziyaya uğramır;
  • Maye donduqda borunun deşilmə ehtimalı azdır;
  • Çəkisi yüngüldür, daşınma zamanı qənaət etməyə kömək edir;
  • Xüsusi izolyasiya tələb etmədən birbaşa tətbiq olunur;
  • Tərkibində pas yaratmır;
  • Quraşdırılması daha az əmək tələb edir və s.

İstənilən məqsəd üçün plastik boru seçərkən onun istifadə olunacağı şərtlərə diqqət yetirmək lazımdır. Ölkəmizin və paytaxt Bakının tikinti bazarında bu boruların həm topdan, həm də pərakəndə satışı həyata keçirilir. Qiymətləri münasib olan bu plastik boruları ən sərfəli qiymətlərlə əldə etmək mümkündür.

Daha çox bax