Kataloq Alıcının sifarişi Logistika

Yükləyici ekskavatorlar (0 elan)

YÜKLƏYİCİ EKSKAVATORLAR – SİFARİŞ, İCARƏ, QİYMƏTLƏR

Yükləyici ekskavatorlar çoxfunksiyalı texnikadır və öz populyarlığını məhz bu xüsusiyyətinə borcludur. Bu növ ekskavatorlardan əsas olaraq təmir-tikinti işləri zamanı geniş istifadə olunur.

Bu universal texnika torpağın qazılması, ağır yüklərin qaldırılması və sonradan daşınması, inşaat üçün ərazinin lazımi vəziyyətə gətirilməsi, tikinti sahəsinin təmizlənməsi və xəndəklərin qazılması üçün etibarlı köməkçidir. Bununla yanaşı, yükləyici ekskavatorlardan ərazilərin ağac və kol qalıqlarından, qardan təmizlənməsi, həmçinin kanalizasiya və qaz borularının çəkilməsi zamanı da istifadə olunur.

Bu ekskavatorun əsas üstün cəhətləri yüksək manevr bacarığı və funksional olmağıdır. Yükləyici ekskavatorlar adi tırtıllı ekskavatorlar ilə müqayisədə daha cəld hərəkətlidir və şəhər şəraitində sərbəst hərəkət edə bilir. Bununla yanaşı, yükləyici ekskavatorların da tırtıllı növləri mövcuddur.

Bununla belə, yükləyici ekskavatorlar kommunal təsərrüfat üçün də əvəzolunmaz texnikadır. Bu texnikalar nəinki inşaat zamanı, həmçinin şəhər və rayon küçələrində məişət işlərinin icrası üçün də mükəmməl vasitədir. Belə ki, yay aylarında kənd sahələrində bu texnikanın köməkliyi ilə arxlar və xəndəklər qazılır.

Yükləyici ekskavatorlar yük götürmə bacarığına görə aşağıdakı qruplara bölünür:

·   Yüngül (2 tonadək). Dar və hərəkətin məhdud olduğu məkanlarda iş üçün nəzərdə tutulur;

·   Orta (2-4 ton). Xəndəklərin qazılması, yol kənarlarının düzəldilməsi, tikinti sahəsinin hazırlanması, təmizlik kimi çox sayda işin icrası üçün nəzərdə tutulur;

·   Ağır (4-10 ton). Orta həcmli qrupa daxil olan texnikanın icra etdiyi işi görə bilir. Lakin burada işin həcmi nisbətən artırılmış olur;

·   Çox ağır (10 tondan çox). Karxanalarda və nəhəng tikinti meydançalarında istifadə olunur.

Yükləyici ekskavatorlar çox sayda iş icra edə bildiyindən həm vəsaitlərə, həm də canlı işçi qüvvəsinə qənaət etməyə şərait yaradır. Bununla yanaşı, bu ekskavatorlar geniş çeşiddə iş həyata keçirməklərinə baxmayaraq, qiymətləri çox münasibdir. Bu gün sözügedən bu ekskavatorların satışı ilə maraqlanan hər kəs onlayn kataloqda yer alan elanlara nəzər yetirə və ən münasib təklifi seçə bilər. Həmçinin, bu texnikanı almağa gərək duymayan kiçik tikinti şirkətləri yükləyici ekskavatorları icarəyə götürərək iş prosesinin keyfiyyətini artırmağa nail ola bilər. Ekskavatorların icarəsi qeyd olunan kateqoriyadan olan müştərilər üçün çox sərfəlidir.


 

Daha çox bax