Kataloq Elan ver Logistika

EVAKUATOR VƏ AVTOMOBİL DAŞIYICILARI – SİFARİŞ, İCARƏ, QİYMƏTLƏR

Hər gün paytaxt Bakıda və ölkəmizin digər şəhərlərində minlərlə avtomobil evakuator və yaxud avtomobil daşıyıcıları ilə daşınır. Bu daşımalar şəhər daxili olduğu kimi, uzaq məsafələrə də həyata keçirilir. Daşınan nəqliyyat vasitəsinin öz təyinat məntəqəsinə ən yaxşı vəziyyətdə çatması üçün avtomobillərin yüklənmə və daşınması detallarına xüsusi önəm vermək lazımdır. 

Beləliklə, evakuatorlar qəzaya uğramış və yaxud qadağan olunmuş yerlərdə dayanan avtomobillərin daşınması və cərimə meydançasına aparılması üçün istifadə olunan xüsusi texnikadır. Qeyd olunan bu texnikalar avtomobili evakuatora yükləmək üçün hərəkətli platforma ilə təchiz edilir. 

Digər avtomobil daşıyıcıları da minik avtomobillərinin, motosikletlərin və digər təkərli yüngül texnikanın daşınması üçün nəzərdə tutulub. Avtomobil daşıyıcıları açıq və qapalı olmaqla iki növə bölünür. Bununla yanaşı, avtomobil daşıyıcısının uzunluğundan asılı olaraq bu cür texnikalar 5-dən 10-a qədər avtomobil daşıya bilər.

Evakuatorlar və avtomobil daşıyıcıları maşının lazımi ünvana çatdırılması ilə bağlı yükləmədən tutmuş, daşınma və çatdırılmaya qədər bütün prosesə görə məsuliyyət daşıyırlar. Bu səbəbdən də, evakuator və yaxud digər daşıyıcı texnika alarkən ən keyfiyyətli modelləri nəzərdən keçirmək daha məqsədəuyğundur. 

Qeyd etdiyimiz kimi, evakuatorlardan qəza səbəbindən hərəkət edə bilməyən nəqliyyat vasitələrinin daşınması üçün geniş istifadə olunur. Həmçinin, evakuatorlar bələdiyyə xidmətləri tərəfindən də tətbiq olunur və onlarla qanunsuz parklanmaya yol vermiş maşınların xüsusi ayrılmış meydançalara daşınması həyata keçirilir. 

Bununla yanaşı, 3 tondan artıq çəkiyə malik nəqliyyat vasitələrinin daşınması üçün yük evakuatorları da mövcuddur. Bu evakuatorlar vasitəsilə ağır yük maşınları, qoşqulu və ya qoşqusuz digər texnikalar daşınır. Həmçinin, bir neçə avtomobilin eyni anda daşınması üçün geniş istifadə olunan iki mərtəbəli evakuatorlar da yüksək xidmət göstəricilərinə malikdir. Bu texnikalar ilə demək olar ki, heç bir avtomobil yolda qalmayacaq və onun təyinat nöqtəsinə çatdırılması ən keyfiyyətli şəkildə həyata keçiriləcək. Təəccüblü deyil ki, texnika bazarında evakuator satışı tez-tez həyata keçirilən əməliyyatlardandır. Müştərilər Azərbaycanda böyük tələbat olan bu texnikanı həm sifariş edə, həm də davamlı istifadə üçün ala bilərlər. Unutmaq olmaz ki, bazarda evakuasiya qiymətləri satıcıdan asılı olaraq dəyişə bilər və evakuator sifariş etməzdən, yaxud almazdan əvvəl onlayn kataloqda yer alan təklif və qiymətləri nəzərdən keçirmək məsləhətdir.


 

Daha çox bax