Kataloq Elan ver Logistika

BETON BLOKLAR - QİYMƏTİ, SATIŞI VƏ ÇATDIRILMASI

Mütəxəssislər yaşayış binaları və sənaye tikililərinin inşası zamanı beton blokları kimi tikinti materiallarından istifadə edirlər. Bu cür beton bloklar hər hansı tikilinin inşası və təməlin qoyulması zamanı böyük populyarlıqla istifadə olunur. 

Beton universal materialdır. O sahib olduğu uzunömürlülük, suya davamlılıq və möhkəmlik kimi xüsusiyyətləri sayəsində nəinki alçaq və hündürmərtəbəli binaların inşasında, həmçinin yol tikintisi zamanı səkilərin və bir çox digər tikililərin yaradılması üçün də geniş istifadə olunur. 

İnşaat sahəsinin mütəxəssislərinin beton bloklardan geniş istifadə etməsi əlbəttə ki, əbəs yerə deyil. Sözügedən bu beton bloklar bir sıra üstün xüsusiyyətlərə malikdirlər:
  • Blokların ölçüsü böyük olduğundan binanın inşa edilməsi sürəti artır;
  • Bütün qaydalara əməl edilərək beton bloklarla inşa edilən tikilinin uzunömürlülük müddəti 100 ilə çata bilər;
  • Əlçatandır və qiyməti münasibdir;
  • İstifadə qaydaları rahatdır və peşəkar ustalar olmadan belə istifadə oluna bilər;
  • Beton bloklar ani temperatur dəyişmələrinə, yanğına və suya qarşı dözümlüdür və s.

 
Beton bloklar üç kateqoriyaya bölünür: təməl, divar və arakəsmələr üçün beton bloklar. Divarların inşası və hörgü zamanı əsas olaraq məsaməli beton bloklardan istifadə olunur. Mütəxəssislər, dayaqlar, təməllər, texniki və zirzəmilər tipli məkanların inşası zamanı məsaməsiz bloklardan istifadə etməyi məsləhət görürlər. Bununla yanaşı, bir çox istehsalçılar fasad üçün dekorativ beton blokları da istehsal edir. Bu bloklar müxtəlif rəng çalarlarına malik ola bilir. 

Ölkəmizin şəhər və rayonlarında yeni tikintilərin sayı gündən-günə artmaqdadır. Bütün bu prosesləri sürətləndirmək üçün isə ən ideal vasitə beton bloklarıdır. Yuxarıda da qeyd etdiyimiz kimi, beton bloklar bir çox tikinti zamanı istifadə olunduğundan ona böyük tələbat yaranır. Bu səbəbdən də, beton bloklarının satış həcmi də yüksələn xətt üzrə inkişaf edir. Hazırda Bakı və digər bölgələrdə sərfəli qiymətə beton blokları almaq mümkündür. Bununla yanaşı, beton bloklarını ən sərfəli şərtlərlə topdan əldə etmək üçün də bazarda bir çox təkliflər var.

Daha çox bax