Kataloq Elan ver Logistika

SUVAQ - QİYMƏTİ, SATIŞI VƏ ÇATDIRILMASI
 
Şpaklyovka təmir-tikinti işlərinin müxtəlif mərhələlərində istifadə olunan tikinti materialıdır. Bu materialdan istifadə sahələri genişdir.
Sözügedən bu şpaklyovka bir sıra fəaliyyətlər zamanı suvaq olaraq tətbiq edilir. Belə ki, əsaslı təmir və yaxud ümumilikdə inşaat zamanı tavanı rəngləməzdən və yaxud divar kağızlarını yapışdırmazdan əvvəl iş görüləcək səthi maksimum hamar səviyyəyə salmaq lazımdır. Bu zaman divarda və yaxud tavanda olan boşluqları, çıxıntıları və əyrilikləri aradan qaldırmaq üçün məhz şpaklyovkadan istifadə olunur. 

Bu suvaq materialı olmadan ideal hamar səthə nail olmaq mümkün deyil və şpaklyovka vurulmasına məsuliyyətlə yanaşmaq lazımdır. Belə ki, hətta divarda olan ən kiçik və ilk baxışdan nəzərə çarpmayan qüsur təmirdən sonra bütün görüntünü pozacaq və aydın şəkildə görünəcək. Əgər istifadə etdiyiniz şpaklyovka məhsulu keyfiyyətli deyilsə son nəticə ümumiyyətlə sizi qane etməyəcək.

Şpaklyovka bir sıra müsbət xüsusiyyətlərə malikdir və istifadəçilərin daim razılığına səbəb olur. Beləliklə, bu suvaq məhsulu sement, kərpic, alçipan üzərinə əla şəkildə vurulur, səliqəli və hamar səth əldə etməyə imkan verir və təmir işlərinə başlamağa hazır nəticə ilə təmin edir.
Şpaklyovka həm toz, həm də dərhal istifadəyə hazır qatılmış formada satılır. Adından da göründüyü kimi toz halında olan bu materialı aldıqda ilk olaraq su ilə həll edərək lazımi vəziyyətə gətirilir. Qeyd etmək lazımdır ki, toz halında olan şpaklyovka daha sərfəli hesab olunur. Belə ki, bu növ məhsulu tələb olunan həcmdə qata, qalanını isə növbəti dəfələrdə istifadə etmək üçün saxlaya bilərsiniz. Bununla yanaşı, bu məhsulu həm əl, həm də xüsusi mikserin köməkliyi ilə qatmaq mümkündür.

İstifadəyə hazır üzlük şpaklyovka məhlulu isə metal, plastik və yaxud rezin şpatellərin köməkliyi ilə vurulur. Bununla yanaşı, şpaklyovkalar həm xaricdə, həm də daxildə istifadə oluna bilər və vurulacaq hissənin xüsusiyyətlərinə görə seçilir.

Həmçinin, üzlük şpaklyovka bir sıra müsbət cəhətlərə sahibdir:

·       Dayanıqlı və uzunömürlüdür;
·       Elastikdir;
·       Çatlamır və çox möhkəmdir;
·       İtkiyə getmir;
·       Qiyməti çox münasibdir.

Fərdi təmir-tikinti işləri ilə məşğul olan ustalar, təmiri özü həyata keçirən ev sahibləri, həmçinin tikinti şirkətləri şpaklyovkadan geniş istifadə edir. Bakıda ən ucuz şpaklyovka məhsulunu tapmaq isə artıq çox asandır. Tikinti materiallarının onlayn kataloqunda yer alan elanlara nəzər yetirərək ən sərfəli seçimi edə bilərsiniz.

Daha çox bax