Kataloq Elan ver Logistika

LAMİNAT - QİYMƏTİ, SATIŞI VƏ ÇATDIRILMASI

Laminat müasir interyerdə istifadə olunan populyar döşəmə örtüyüdür. Bu əvəzsiz örtüklərdən həm evlərdə, həm də ofislərdə istifadə etmək mümkündür. Laminatlar müəyyən baxımdan parketə bənzəsə də, hər iki döşəmə örtüyü fərqli xüsusiyyətlərə malikdirlər. Bu material yüksək fiziki xüsusiyyətlərə, dekorativ keyfiyyətlərə və asan istifadə şərtlərinə malikdir. Bununla yanaşı, laminatlar öz münasib qiymətləri, asan quraşdırılması, yüksək istifadə göstəriciləri və xoş xarici görünüşü ilə seçilir. 

Qeyd etmək lazımdır ki, laminatdan nəinki döşəmələr, hətta divar və tavanlar üçün də istifadə etmək mümkündür. Lakin bu gün əksər insanlar laminatın məhz bu xüsusiyyətindən xəbərsizdir. Laminatlar əsas olaraq standart formalarda istehsal edilir. Adətən laminat lövhəsinin uzunluğu 1,2 metrdən 2 metrə, eni isə 19-20 santimetrə çatır. Laminatın qalınlığı isə 7-8 mm təşkil edir. 

Yuxarıda qeyd edilənlərlə yanaşı, laminatlar bir sıra digər üstün cəhətlərə sahibdirlər:
  • Laminat döşəmə xüsusi qulluq tələb etmir. Bu cür döşəmələr üzərində uşaq arabalarının, hündürdaban ayaqqabıların izləri qalmır, cızıqlar əmələ gəlmir. Hətta laminat döşəmənin üzərinə ağır əşya düşərsə zərər minimum həddə olacaq. Həmçinin, bu döşəməni təmizləmək də çox rahatdır;
  • Laminat etibarlı və möhkəmdir. DVP plitələr və qoruyucu təbəqələr döşəmənin etibarlılığını və möhkəmliyini artırır;
  • Laminat bir çox dekorativ xüsusiyyətlərə malikdir. Poliqrafiya sayəsində geniş çeşiddə naxışlı laminat seçmək mümkündür; 
  • Qiyməti münasibdir. Laminatlar digər döşəmə örtükləri ilə müqayisədə əlçatan qiymətlərə sahibdir;
  • Laminatın vurulması tez bir zamanda başa gəlir. Döşəməni vuran şəxs plitələri bir-bir birləşdirməklə mükəmməl son nəticəyə nail olur. 

Laminat plitələrin Bakıda böyük tələbatla alındığını desək yanılmarıq. Belə ki, ölkənin tikinti bazarında hər növ və modellərdə laminat lövhələr satılır. Müştərilər onlayn kataloqda yer alan laminat elanlarını izləyərək ən sərfəli məhsulu seçmək şansına malikdirlər.

Daha çox bax