Kataloq Elan ver Logistika

MİNİ EKSKAVATORLAR – SİFARİŞ, İCARƏ, QİYMƏTLƏR

Mini ekskavatorlar inşaat ilə əlaqəli bütün işlərdə geniş istifadə olunan universal texnikadır. Bu texnikanın imkanları genişdir. Mini ekskavatorlar kiçik ölçülərə sahib olsa da yüksək keçicilik və manevr qabiliyyətinə malikdir. 

Bu gün torpaq qazılması ilə bağlı işlərin əksəriyyəti ekskavatorların köməkliyi ilə icra edilir. Bu texnikanın əsas elementi çömçədir və onun vasitəsilə torpağın qazılması və kənara daşınması həyata keçirilir. 

Mini ekskavatorlar iri həcmli texnikaların bütün müsbət cəhətlərinə sahibdir. Lakin bununla yanaşı, kiçik həcmli olması bu texnikanı məhdud ölçülü məkanlarda effektiv şəkildə istifadə etməyə imkan verir. Bu isə öz növbəsində mini ekskavatorların başlıca üstün cəhəti hesab olunur. 

Çəkisinin əhəmiyyətli dərəcədə az olması (3-5 ton) onu adi kranlarla ən əlçatmayan yerlərə yerləşdirməyə imkan verir. Belə ki, bu ekskavatorlar binaların damlarında, çuxurlarda, quyularda və bu kimi ərazilərdə rahatlıqla öz işini icra edə bilər. Bu ekskavatorların həm təkərli, həm də tırtıllı növləri var.  

 

Bu unikal texnikanın köməyindən aşağıdakı məqsədlər üçün istifadə olunur:
  • Binaların sökülməsi;
  • Şaxtaların və tunellərin qazılması;
  • Şəbəkələrin şəkilməsi üçün müxtəlif dərinlikdə xəndəklərin qazılması;
  • Bina və tikililərin təməlləri üçün kiçik çuxurların qazılması;
  • Təmizləyici qurğuların, hovuzların, idman meydançalarının inşası;
  • Meydanların, parkların, bağların abadlaşdırılması;
  • Digər əlçatmaz yerlərdə müxtəlif işlərin həyata keçirilməsi.

 

Bəzən binaların yenidən qurulması və sökülməsi zamanı məkanın daxilində, tavanın alçaq olduğu yerlərdə texnikanın işləməsinə ehtiyac duyulur. Bu cür tapşırıqların əksəriyyəti isə mini ekskavatorlar və kiçik buldozerlərin köməyi ilə həll edilir.

Bununla yanaşı, kiçik ölçüsü və rezin tırtılları sayəsində mini ekskavatorlardan ətrafa zərər vurmadan şəhər şəraitində abadlıq işləri üçün uğurla istifadə etmək mümkündür.

Standart mini ekskavatorların çəkisi 1-5 ton, supermini ekskavatorların çəkisi isə 6-10 ton təşkil edir. 10 tonluq mini ekskavatorlar iri həcmli xüsusi texnikaların texniki xüsusiyyətlərini və kompaktlığını özündə birləşdirir. Bu səbəbdən də, mini ekskavatorların satışı digər texnikalarla rəqabətdə geri qalmır. Hazırda ölkəmizin tikinti sahəsində vacib rola malik texnikaların satışı və icarəsi həyata keçirilir. Bunun üçün texnika mağazalarını gəzməyə və vaxt itirməyə gərək yoxdur. Belə ki, müştərilər mini ekskavatorlar kataloqundan arzusunda olduğu modeli seçərək sifariş etmək imkanına sahibdir. Hətta təklif edilən modelləri zavod qiymətinə də əldə etmək mümkündür. Mini ekskavatorların qiymətinə gəldikdə isə qeyd edə bilərik ki, bu texnikanın qiyməti və icarə haqqı sahib olduğu xüsusiyyətlərə tam uyğundur və müştərilər üçün əlçatan səviyyədədir. 

Daha çox bax