Kataloq Alıcının sifarişi Logistika

Çala qazan və xovlu qazma qurğuları (0 elan)

ÇALA QAZAN VƏ XOVLU QAZMA QURĞULARI

İstər torpaq, istərsə də asfalt örtüyü üzərində müxtəlif işlərin icrası üçün çalaların qazılması zamanı xüsusi texnikalardan istifadə olunur. Azərbaycanda çala qazan və digər qazma işləri həyata keçirən texnikalar inşaat, geoloji kəşfiyyat, kommunal təsərrüfat və digər sahələrdə əvəzsiz rola malikdir.

Çala qazan və xovlu qazma qurğularının qiyməti çox baha olmur və adətən birlikdə istifadə olunur. Bu səbəbdən də tikinti şirkətləri tərəfindən böyük tələbatla alınır. Bununla yanaşı, fərdi inşaat işləri aparan şəxslər sözügedən bu texnikaları sərfəli şərtlərlə icarəyə götürərək iş prosesini əhəmiyyətli dərəcədə sürətləndirə bilərlər.

Bu qazma texnikalarının köməkliyi ilə elektrik və telefon xətləri üçün dirəklər, küçə işıqları quraşdırılır, həmçinin müxtəlif məqsədlər üçün quyular qazılır. Hətta bir çox hallarda təməlin nə dərəcədə keyfiyyətli olduğu, tikilinin etibarlılıq səviyyəsi də bu texnikalardan asılı olur. Belə ki, quyu qazan bu texnikanın köməkliyi ilə adətən su obyektlərinin yaxınlığında edilən inşaat zamanı təməl yaradılarkən istifadə olunur. Bu texnikalar hündürmərtəbəli binalar üçün davamlı və etibarlı təməl inşa etmək üçün əhəmiyyətli rola malikdir.

Bununla yanaşı, bu texnikalar ayrı-ayrılıqda da bir sıra istiqamətdə tətbiq edilir.

İlk olaraq qeyd etmək lazımdır ki, xovlu qazma qurğuları əsas olaraq yolların salınması, yol nişanlarının, siqnal dirəklərinin və mühafizə çəpərlərinin quraşdırılması zamanı tələb olunur. Bu texnika dirəyin beton və yaxud metaldan olmasından asılı olmayaraq istənilən material ilə işləyə bilir.

Xovlu qazma qurğularından həmçinin binaların ətrafında torpağın möhkəmləndirilməsi zamanı, neft platformalarında, doklarda, körpü tikintisində də fəal olaraq istifadə olunur.

Çala qazan qurğuya gəldikdə isə qeyd edə bilərik ki, quyu qazan bu qurğular torpaqda silindr formasında quyuların qazılması üçün istifadə olunur. Çala qazanların əl ilə istifadə olunan növləri olsa da, inşaat sahəsində ağır texnika formasında tətbiq olunur. Bu qurğu traktorlar və yaxud yükləyicilərin üzərində qurulur və çətin işlərin görülməsi üçün nəzərdə tutulub.

Çala qazan qurğular elektrik xətləri, körpülər üçün dayaqların quraşdırılması, ağacların əkilməsi, şaquli konstruksiyaların tikintisi üçün çuxurların qazılması, yol dirəklərinin quraşdırılması və s. tapşırıqların icrası üçün tətbiq olunur.

 Ölkəmizdə bir çox inşaat prosesini quyu qazan bu texnikalar olmadan təsəvvür etmək çətindir. Bu səbəbdən də, bazarda çala qazan maşınlarla bağlı çox sayda sərfəli təkliflər mövcuddur və bu qurğuların satışı ilə yanaşı, çala qazanların icarəsi də həyata keçirilir. Ən ağır işlərin öhdəsindən gələn bu texnikaları sifariş etmək isə artıq çox sadədir. Belə ki, hər bir müştəri çala qazanların onlayn kataloquna nəzər yetirərək sərfəli təkliflər arasından seçim edə bilər. 


 

Daha çox bax