İstilik sistemləri, Kombi (19 elan)

İSTİLİK SİSTEMLƏRİ, KOMBİ - QİYMƏTİ, SATIŞI VƏ ÇATDIRILMASI

Müasir təmir-tikinti prosesini ventilyasiya, istilik sistemlərinin və yaxud su təchizatı borularının quraşdırılması olmadan təsəvvür etmək çətindir.   

Bu gün evin və yaxud yaşayış tipli istənilən məkanın isitmə sistemlərinin layihələndirilməsi və quraşdırılması təmir zamanı ən vacib tapşırıqlardan biri hesab olunur. Aydın məsələdir ki, istilik sistemləri olmadan evlərdə, ofislərdə, sənaye müəssisələrində, məktəblərdə və s. gündəlik rahat yaşam və iş şərtləri yaratmaq çətin məsələdir. 

Sözügedən məkanların, xüsusilə də evlərin isidilməsi üçün istifadə olunan ən geniş yayılmış vasitə Kombi sistemləridir. Kombi sistemlərinin quraşdırılması sayəsində hətta ən soyuq qış günləri belə istənilən məkanı isitmək mümkündür. Kombi sistemlərinin qurulması üçün sistemin bütün elementlərini müvafiq şəkildə birləşdirmək lazımdır. Bu məsələ yalnız bir Kombi cihazının və onun digər komponentlərinin alınması və quraşdırılması ilə məhdudlaşmır. Belə ki, bunun üçüb əvvəlcədən evin bütün otaqlarından keçən və qapalı bir dairə əmələ gətirən borular çəkilməlidir. Xüsusilə qeyd etmək lazımdır ki, Kombi mənzil və yaxud bir mərtəbəli fərdi evə daha çox uyğun gəlir. Bu isə onunla əlaqədardır ki, cihaz suyu borular vasitəsilə ikinci mərtəbəyə qaldırmağa qadir deyil. 

Bu gün Kombi sistemlərinin quraşdırılması üçün plastik borulardan çox geniş istifadə olunur. Bu boruları tələb olunan uzunluğa salmaq üçün rahatlıqla kəsmək və yerindəcə xüsusi alət vasitəsilə lazımi hissələrdə bir-birinə yapışdırmaq olur.

Kombi sistemləri artıq bir neçə illərdir ki, bazarda öz yerini bərkitməyə başlayıb. Bu isə əbəs yerə deyil. Kombilərdən istifadə çox rahat və effektivdir. Kombilər bir sıra müsbət cəhətlərə sahibdir ki, bunların da ən başlıcası bu istilik sisteminin uzunömürlü olması və temperaturunu rahatlıqla tənzimləmək imkanına sahib olmasıdır. Üstəlik, Kombilər qənaət etməyə də kömək edir. Belə ki, ev sahibi uzun müddət evdə olmayacaqsa boş yerə elektrik enerjisinə pul ödəməyəcək. Bunun üçün evdən çıxarkən Kombini söndürmək kifayət edir. 

Ümumilikdə deyə bilərik ki, Kombi sistemi çox praktik cihazdır və hazırda minlərlə şəxs tərəfindən istifadə olunur. Bu səbəbdən də, tikinti bazarında öz sözünü demiş bir çox şirkətlərə məxsus modellər böyük tələbatla alınır. Bazardakı bir çox keyfiyyətli və unikal Kombi sistemləri sırasında Türkiyə və digər ölkə istehsalı olan Kombilərə çox rast gəlinir. Kombilərin qiyməti isə modelindən və ölçüsündən asılı olaraq dəyişir.