Kataloq Elan ver Logistika

RUBEROİD - QİYMƏTİ, SATIŞI VƏ ÇATDIRILMASI

Ruberoid artıq uzun illərdir ki, dam örtüklərinin qurulması zamanı geniş istifadə olunan materialdır. Digər adı tol və yaxud bitum membranı olan bu material həm dam örtüyünün vurulması, həm də hidroizalyasiya məqsədləri üçün əla köməkçidir.
Ruberoidin növündən asılı olaraq ondan istifadə şərtləri də dəyişir. Belə ki, ruberoid həm digər dam örtüyü materialları ilə birgə istifadə oluna, həm də dam örtüyünün özü ola bilər. Bu səbəbdən də, dam örtüyü ilə bağlı növbəti işlərin həyata keçirilməsi üçün ruberoidin bir neçə təbəqəsindən istifadə etmək mümkündür. Damın hidroizalyasiya baxımından keyfiyyəti bu tolların hansı dərəcədə düzgün seçilməsi və vurulmasından asılıdır.

Qeyd etdiyimiz kimi, tollardan əsas olaraq dam örtüklərinin vurulması, zirzəmi və təməllərdə hidroizolyasiya məqsədləri üçün geniş istifadə olunur.

Müasir tikinti sənayesi dam örtükləri üçün 60-a yaxın bitumlu material növü təklif edir. Ruberoid öz təkamülü boyunca bir neçə dəfə öz tərkibini dəyişib.

Bu material bir sıra müsbət xüsusiyyətlərə malikdir. İlk olaraq qeyd etmək lazımdır ki, əsas olaraq rulon halında satılan tollar qiymətinin ucuz olması ilə digər materiallardan fərqlənir. Bununla yanaşı, ruberoidlər uzunömürlü, istifadəyə rahat və yüngüldür. Həmçinin su izolyasiyası üçün də ruberoid əvəzedilməzdir.

Dam örtüklərinin vurulması zamanı ruberoiddən istifadə etmək qənaət etməyə kömək etməklə yanaşı, hidroizolyasiya prosesini də əhəmiyyətli dərəcədə sürətləndirir. Belə ki, bu zaman rulon vurulacaq yerdə açılır və qaydaya salmaq üçün çox böyük əmək tələb olunmur.

Bu gün Bakı da daxil olmaqla ölkənin şəhər və rayonlarda ruberoiddən geniş istifadə olunur. Tollar tikinti bazarında digər dam örtüyü materialları ilə yanaşı xüsusi yerə sahibdir. Yuxarıda da qeyd etdiyimiz tollar sərfəli qiymətlərlə satılır və növlərindən asılı olaraq qiymətləri bir-birindən fərqlənə bilər. Bununla yanaşı, Bakı və Abşeronda tolların pulsuz çatdırılması ilə bağlı bazarda çox sayda təkliflər var. Əgər sizə məhz hansı məhsulun lazım olduğunu bilmirsinizsə, ruberoid alqı-satqısı həyata keçirən satıcılar ən düzgün seçimi etməyinizə kömək edəcəkdir.

Daha çox bax