Kataloq Elan ver Logistika

ÖN VƏ TELESKOPİK YÜKLƏYİCİLƏR – SİFARİŞ, İCARƏ, QİYMƏTLƏR

Ön və teleskopik yükləyicilər texnika bazarında yüksək effektivliyi ilə seçilən nümunələrdən biridir. Ölkəmizdə tikinti meydançaları və kənd təsərrüfatı sahəsində tətbiq edilən xüsusi texnikalar sırasında teleskopik yükləyicilərin böyük əməyini vurğulamamaq olmaz. Bu formalı yükləyicilər sahib olduğu texniki xüsusiyyətlərə görə iş prosesi zamanı bir neçə ayrı-ayrı texnikanı əvəz edə bilir. Belə ki, teleskopik yükləyiciləri lazımi əlavə qurğular və yaxud qoşqular ilə təchiz etdikdə rahatlıqla digər texnikaların işini həyata keçirmək xüsusiyyətinə malik olur.  

Teleskopik yükləyiciləri ən müasir və perspektivli inşaat texnikası hesab etsək yanılmarıq. Bu yükləyicinin köməyindən inşaat, dağ-mədən sənayesi və kənd təsərrüfatı sahəsində fərqli-fərqli tapşırıqların yerinə yetirilməsi üçün istifadə olunur. Sözügedən bu texnika blokların, plitələrin, boruların və s. materialların yüklənməsi və boşaldılması zamanı tətbiq edilə bilər və işi adi kranlardan 2-3 dəfə daha tez yekunlaşdıra bilir. Bu kiçik yükləyicilərin mükəmməl quruluşu sayəsində texnikanın çömçəsi ilə müəyyən yükləri inşa edilən tikilinin birbaşa içərisinə salmaq da mümkün məsələdir. 

Vurğuladığımız kimi, ön və teleskopik yükləyicilər bir sıra tapşırığın öhdəsindən gələ bilir və fəaliyyət istiqamətləri genişdir. Bu yükləyicilər yük qaldırma, yükləmə və yükün daşınması kimi standart tapşırıqlar ilə yanaşı, digər bacarıqlara da sahibdirlər.

Məsələn, bu texnika aşağıdakı işlərin də öhdəsindən gəlməyə qadirdir:

Maşından tikinti materiallarını boşaltmaq;

Tikinti sahəsində yüklərin və digər texnikaların bir yerdən digər yerə daşınması;

Lazımi hündürlüyə yüklərin qaldırılması və s. 

Bu texnikalardan inşaat işləri ilə yanaşı açıq anbarlarda da istifadə edilir. Bunun əsas səbəbi teleskopik yükləyicilərin yükləri həm şaquli, həm də üfüqi hərəkət etdirə bilməsidir. Həmçinin, ön və teleskopik yükləyicilər yüksək manevr bacarığına sahibdirlər və bu səbəbdən də bütün tapşırıqları sürətlə və effektiv icra etməyə kömək edirlər. 

Azərbaycanda tikinti bazarında ön və teleskopik yükləyicilərə böyük tələbatın olduğunu görmək mümkündür. Buna səbəb isə ölkənin hər yerində inşaat işlərinin artması və müəssisələrin müasir anbar avadanlıqlarına ehtiyac duyulmasıdır. Bazarda bir çox iş üçün əvəzolunmaz texnika olan teleskopik yükləyicilərin satışı və icarəsi həyata keçirilir. Yükləyicilər bazarı isə daim yenilənir və bazara günü-gündən bir çox funksiyalara malik modellər buraxılır. Beləliklə, texnika bazarında hər müştərini razı salacaq ön və teleskopik yükləyicilər təklif edilir. Bu yükləyicilərin qiymətləri isə bazar normalarına uyğun olaraq hər müştərinin tələblərini qarşılayacaq səviyyədədir.

Daha çox bax