Kataloq Elan ver Logistika

POLAD ARMATUR TİKİNTİ MATERİALI - QİYMƏTİ, SATIŞI VƏ ÇATDIRILMASI

Armatur satışı tikinti bazarında özünəməxsus yerə malikdir və bir çox inşaat zamanı bu məhsuldan geniş istifadə olunur.

Bünövrə qoyularkən armaturlardan istifadə etmək beton konstruksiyaların dayanıqlılığını artırır. Məsələ burasındadır ki, armaturun əsas olaraq hazırlandığı polad yüksək dayanıqlılıq xüsusiyyətlərinə malikdir və betondan 7-8 dəfə daha dayanıqlıdır. Bu tikinti materialının əsas vəzifəsi betonu daha da gücləndirməkdən ibarətdir.

İnşaat zamanı yükün məhz armaturlara düşməsi üçün armaturlar müvafiq şəkildə paylanır. Beton da öz növbəsində dayanıqlığını qazandıqdan sonra sistem monolit hala gəlir və onun möhkəmlik dərəcəsi yüksəlir. Armaturu ətraf mühitin kənar təsirlərindən qorumaq üçün armatur torunun qurulması və beton qəliblərin yığılması zamanı armatur toru ilə betonun səthi arasında ən azı 70-100 mm qoruyucu beton təbəqə olmalıdır.

Bununla yanaşı, armaturların aşağıdakı xüsusiyyətləri var:
  • Konstruksiyaların çatlara qarşı müqavimətini artırır;
  • Tikilinin əyilmə ehtimalını azaldır;
  • Betonun dartılmada möhkəmliyini artırır.

Armaturlar fərqli diametr və markalarda istehsal oluna bilir. 12-18 mm diametrli və A500 markalı armaturlar ən çox itifadə olunan məhsullardır. Armatur məhsulları metal zavodlarında 12 metr uzunluğunda istehsal olunsa da, müştərinin istəyinə uyğun olaraq 4 və 6 metr uzunluğunda da hazırlana bilir.

Azərbaycanın tikinti bazarında hər növ armaturların topdan satışı həyata keçirilir. Belə ki, hazırda armatur satışı ilə məşğul olan satıcıların d10mm A500, d12mm A500, d14mm A500, d16mm A500, d18mm A500, d20mm A500, d22mm A500, d6mm, d7mm, d8mm diametr və marklarda təklif etdiyi məhsullar böyük tələbatla satılır. Həmçinin, hər müştəri üçün münasib qiymət təklifi mövcuddur.

Daha çox bax