Kataloq Alıcının sifarişi Logistika

Döşəmə taxta (1 elan)

TAXTA DÖŞƏMƏ - QİYMƏTİ, SATIŞI VƏ ÇATDIRILMASI

Sirr deyil ki, döşəmə evin ümumi görünüşə əhəmiyyətli dərəcədə təsir edən amillərdən biridir. Döşəmə nə qədər gözəl və keyfiyyətli görünərsə, evi də bir o qədər valehedici edir. Lakin döşəmənin tək funksiyası evi gözəlləşdirməkdən ibarət deyil. Belə ki, döşəmələr evin isidilməsində də əhəmiyyətli rola malikdir.

Taxta döşəmələr isə bu məqsədlə geniş istifadə olunan tikinti materiallarından biridir. Adından da göründüyü kimi, taxtadan hazırlanan bu material özü də bir neçə növlərə bölünür və hər növ bir sıra xüsusiyyətlərə malikdir. Keyfiyyətli taxta döşəmə materialları etibarlıdır, ekoloji cəhətdən təmiz materialdır, onlardan istifadə rahatdır və görünüşləri çox yaxşıdır. Hazırda yerli və xarici istehsalçılar taxta materiallarını müxtəlif rəng çalarlarında istehsal edirlər ki, bu da evdə müxtəlif dizayn nümunələri yaratmağa imkan verir. Beləliklə, bu geniş çeşidli məhsullardan iş, qonaq, yataq, uşaq otaqları və kitabxanalarda döşəmələri vurmaq üçün geniş istifadə olunur.

Taxta döşəmələrin növündən bəhs edərkən laminat və parketləri vurğulamamaq olmaz. Bu hər iki növ isə öz növbəsində bir sıra üstün cəhətlərə malikdir. Belə ki, parket döşəmələr uzunömürlüdür və köhnəlməyə qarşı dayanıqlıdır. Parket özü də hazırlanma formasına və fərqli xüsusiyyətlərinə görə ayrıca növlərə bölünür. Laminat da parket kimi bir sıra müsbət cəhətlərə malikdir və bunlara misal olaraq onun zərbə və yüklərə dayanıqlı və uzunömürlü olmasını qeyd edə bilərik. Bununla yanaşı, laminatın qiyməti parket ilə müqayisədə xeyli ucuzdur. Həmçinin, laminat da bir neçə modellərə sahibdir və onların hər birinin fərqli xüsusiyyətləri var.

Yuxarıda ayrı-ayrı növlər üçün qeyd edilən xüsusiyyətlər ilə yanaşı, taxta döşəmə məhsulları ümumi müsbət cəhətlərə də malikdirlər. Bunlar isə aşağıdakılardır:
  • Dayanıqlılıq;
  • Uzunömürlülük;
  • Yüksək səs və istilik izolyasiyası;
  • Ekoloji cəhətdən təmizlik;
  • Deformasiyalara qarşı dözümlülük və s.

Həmçinin, taxta döşəmələrə qulluq etmək də asandır. Belə ki, bu cür döşəmənin üzərindəki ləkə və çirkləri adi nəm döşəmə silənlərlə tez bir zamanda təmizləmək mümkündür. Zamanla döşəmənin boyası və yaxud lakı silinərsə onu yenidən asanlıqla boyamaq olar.

Bazarda taxta döşəmələrlə bağlı elanların çox olması müştərilərə rahat seçim imkanları yaradır. Üstəlik, müştərilərin Bakıda ucuz taxta döşəmə almaq imkanları çoxdur. Belə ki, tikinti bazarında hər müştərinin tələb və istəklərinə uyğun taxta döşəmə satılır. Artıq əlverişli qiymətə taxta döşəmə almaq üçün mağazaları gəzməyə ehtiyac yoxdur. Tikinti materiallarının onlayn kataloquna nəzər yetirərək istədiyiniz məqsədlər üçün lazımi material ala bilərsiniz.

Daha çox bax