Betonqarışdıranlar

BETON QARIŞDIRANLAR – SİFARİŞ, İCARƏ, QİYMƏTLƏR

Beton qarışdıran və yaxud beton daşıyan maşınlar beton və ona bənzər məhlulların hazırlanması və tikinti sahəsinə daşınması üçün nəzərdə tutulan inşaat texnikasıdır. Bu avtomobillərdə qatılan beton məhlulundan isə çox saylı təmir və tikinti məqsədləri üçün istifadə olunur. Tikinti sahələrini bu maşınlar olmadan təsəvvür etmək çətindir. 

 

Bu maşınlar inşaat zamanı vaxta qənaət etmək üçün ideal vasitədir. Əksəriyyət belə düşünür ki, beton qarışdıran maşınlar ilə yalnız peşəkar briqadalar işləyir və fərdi inşaat zamanı bu əbəs yerə xərc çəkməkdir. Nəhəng beton qarışdıran maşınlardan fərdi təmir-tikinti zamanı istifadə olunmasının sərfəli olmadığı ilə razılaşmaq olar. Lakin qeyd etmək lazımdır ki, beton qarışdıran maşınlar iri ölçülü olduğu kimi, kiçik ölçülərdə ola bilir. Üstəlik, az həcmdə beton məhluluna ehtiyac varsa bu zaman beton qarışdıran mikserlər köməyə gəlir. 

 

İri həcmli beton daşıyan maşınlar nəhəng tikinti sahələrində istifadə üçün nəzərdə tutulur və böyük həcmdə betonun qarışdırılması məqsədilə istifadə olunur. Daha kiçik həcmlərdə, məsələn iki kubmetrə qədər, beton tələb olunduqda daşına bilən mikserlər kifayət edir. 

Yadda saxlamaq lazımdır ki, beton qarışdıran maşın istifadəyə hazır beton məhlulunu çox uzun müddət saxlaya bilməz və bu səbəbdən də nə qədər beton tələb olunacağını əvvəlcədən dəqiqliklə təyin etmək lazımdır. Həmçinin, betonun müxtəlif növlərinin digər növlərə nisbətən daha tez hazır olduğu faktını da unutmaq olmaz.

 

Beton qarışdıran maşın alarkən, yaxud icarəyə götürərkən ilk növbədə ölçü ilə bağlı qərar vermək lazımdır. Əgər icra edəcəyiniz tikinti layihəsi böyükdürsə o zaman sizə çox həcmdə beton tələb olunacaq. Bunun ardınca isə sizə tələb olunan həcmdə betonu bir dəfəyə hazır edə biləcək maşını sifariş edə bilərsiniz. Bu isə öz növbəsində işi yüngülləşdirməklə yanaşı vaxta da qənaət etməyə şərait yaradacaq. Yox əgər layihə orta və kiçik həcmlidirsə bu zaman daha kiçik ölçülü beton qarışdıranlardan və mikserlərdən istifadə etmək daha məqsədəuyğundur. 

 

Bu gün satış bazarında inşaat texnikasının alqı-satqısı və icarəsi əhəmiyyətli mövqeyə sahibdir. Belə ki, ölkənin tikinti bazarında müxtəlif növ işlərin icrası üçün beton qarışdıran maşınlarla bağlı çox sayda təkliflər var. Bu təkliflər sırasından həm beton qarışdıranların icarəsi, həm də alışı ilə bağlı xidmətlərdən yararlana bilərsiniz. Bunu etmək isə çox sadədir. Bu inşaat texnikasının sifarişi üçün onlayn kataloqa nəzər yetirmək və ən sərfəli seçimi etmək kifayətdir.