Ekskavatorlar

EKSKAVATORLAR – SİFARİŞ, İCARƏ, QİYMƏTLƏR

Ekskavatorlar torpaqla bağlı işlər zamanı istifadə olunan xüsusi texnikaların ən əhəmiyyətli nümunələrindən biridir. Bu texnikadan təmir-tikinti də daxil olmaqla bir sıra sahədə geniş istifadə olunur. Ekskavatorlar hərəkət mexanizmi, idarəetmə kabinəsi və çömçəli blokdan ibarət olmaqla kifayət qədər sadə quruluşa malikdir.

Hansı sahədə istifadə olunmağından asılı olmayaraq, ekskavatorların əsas xüsusiyyəti yuxarı hissəsinin çox hərəkətli olmasıdır. Belə ki, tapşırıqların ən effektiv şəkildə icra olunması üçün ekskavator öz çömçəsini istənilən istiqamətdə hərəkət etdirə bilər. Bu zaman onun hərəkət mexanizmi yerindən tərpənmir və olduğu kimi qalır. Həmçinin, rahat istifadə olunması xüsusiyyəti ilə digər texnikalardan fərqlənir və gördüyü işin növündən asılı olmayaraq yüksək funksionallıq, məhsuldarlıq və universallıq kimi müsbət göstəricilər nümayiş etdirir.

İstər fərdi şəxslər, istərsə də biznes sahibləri bu texnikanın müasir texnoloji imkanlarından yararlanaraq iş prosesini sürətləndirə və öz bizneslərini yeni səviyyəyə qaldıra bilərlər.

Müxtəlif və fərqli səviyyəli tapşırıqların öhdəsindən asanlıqla gəldiyindən ölkəmizdə ekskavatorlara tələbat böyükdür. Bu texnikadan əsas olaraq aşağıdakı sahələrdə və qeyd olunan tapşırıqların icra edilməsi üçün istifadə olunur:

·       Yol salınması, yol kənarlarında torpaq yolun yaradılması;

·       Binaların inşası və sökülməsi;

·       Bəndlərin tikilməsi;

·       Mədənlərdə və karxanalarda müxtəlif işlərin icrası;

·       Torpaq, qum, dəmir filizi, qranit və digər növlərin qazılması;

·       Müxtəlif ölçülü xəndəklərin və çuxurların qazılması;

·       Tikinti sahəsinin təmizlənməsi və ya qazılmış torpağın hamar edilməsi və s.

Digər oxşar texnikalar kimi ekskavatorlar da hərəkət qaydasına görə təkərli və tırtıllı ola bilər. Təkərli ekskavatorlar şəhər şəraitində daha rahat hərəkət edə bilir, asfalta ziyan vurmur və səs çıxarmır.

Bununla yanaşı, ekskavatorlar istifadə olunduqları şəraitə görə bir neçə modellərə ayrılır:

·       Universal. Bu ekskavatorlardan adətən tikinti meydançalarında istifadə olunur. Bu növdə olan texnika orta ölçüləri, yüksək manevr bacarığı və məhsuldarlığı ilə fərqlənir;

·       Mədən sahəsində istifadə olunanlar. Bu cür ekskavatorlar şaxtalarda, tunellərdə və dar məkanlarda rahat hərəkət edə bilmək üçün kiçik ölçülərə sahib olur;

·       Karxanalarda istifadə olunanlar. Bu texnikalar istənilən ölçüdə ola bilər və işin effektivliyini artırmaq məqsədilə böyük çömçə ilə təchiz edilir.

Azərbaycanda ən çox tələbat olan texnikalardan biri olan ekskavatorların icarə və satış qiymətləri bazar standartlarına uyğundur. Müştərilər onlayn kataloqdan ekskavatorlar ilə bağlı təklif və qiymətləri nəzərdən keçirərək ən düzgün seçimi edə bilər. Ekskavator satışı həyata keçirən mağaza və fərdi şəxslər isə hər bir müştərinin istək və tələblərini qarşılaya biləcək səviyyədədirlər.