Armatur Künclük

KÜNCLÜK - QİYMƏTİ, SATIŞI VƏ ÇATDIRILMASI

Künclük bir çox sahələrdə geniş istifadə olunan materialdır. Belə ki, həyətyanı tikinti işlərində, istixanaların, metal konstruksiyaların qurulması zamanı künclük olmadan işi icra etmək bəzən mümkün belə olmur. Həmçinin, müasir sənayə və yaxud məişət yönümlü inşaat sahəsini sözügedən bu material olmadan təsəvvür etmək mümkün deyil. Künclük tikinti və quraşdırma işlərinin icrası zamanı metal konstruksiyaların bərkidilməsi və quraşdırılması üçün əvəzolunmazdır. Bununla yanaşı, müxtəlif borular yerin üstü ilə çəkildikdə bərkitmə işlərinin həyata keçirilməsi zamanı metal künclükdən geniş istifadə olunur.  

İnşaat sahəsinə gəldikdə isə, künclük hündürmərtəbəli hər hansı tikilinin inşası zamanı əvəzedilməz materialdır. Künclük monolit inşaat zamanı isə betonun gücləndirilməsi üçün sərt armatur rolunu oynayır.

Yaxşı və dayanıqlı materialdan hazırlanan künclüklər bir sıra işlərin öhdəsindən gəlməyə qadirdir. Poladdan hazırlanmış künclüklər digərlərinə nisbətən daha möhkəm xüsusiyyətlərə malikdir. Bu səbəbdən də, inşaat sahəsində bu materialdan hazırlanan metal künclüklərə böyük tələbat var. Tikinti məhsulu olan bu əvəzsiz künclüklər tətbiq edildikləri obyektlərə böyük və ağır yüklərə tab gətirməyə imkan verirlər. Əbəs yerə deyil ki, bu künclüklər təmir işləri zamanı bir çox tapşırığın icrası üçün çox sayda alınır.

Həmçinin, mebel istehsalı sahəsində polad künclüklər əvəzsiz köməkçidir. Onun etibarlılığı və deformasiyaya qarşı dayanıqlılığı uzun illər boyu insanlara xidmət edən mebel nümunələri yaratmağa imkan verir.

Polad künclüklər ilə yanaşı alüminium künclüklər də istehsal edilir və bunlar da tikinti bazarında böyük tələbatla qarşılanır. Alüminium künclüklər də mebel sənayesində və bir sıra digər sahələrdə geniş istifadə olunur. Bu materialdan olan künclüklərin əsas müsbət cəhəti ondan ibarətdir ki, onlar korroziyaya qarşı dayanıqlıdır və elektrik keçiriciliyi kimi xüsusiyyətlərə malikdirlər. Həmçinin, kiçik çəkiyə və əyilmə qabiliyyətinə malik olması sayəsində alüminium künclüklər insan fəaliyyətinin müxtəlif sahələrində istifadə olunan materialların ayrılmaz hissəsinə çevrilib.

Künclüklərdən yuxarıda qeyd olunanlarla yanaşı aşağıdakı işlərin icrası üçün də istifadə olunur:

• Pilləkənlərin inşası;
• Pəncərə və qapı kənarlarının bərkidilməsi;
• Naveslərin, yelləncəklərin, darvazaların, qapılarda çərçivələrin yaradılması;
• Anbarlarda və istehsal müəssisələrində rəflərin qurulması və s.

 Ümumilikdə isə künclüklərin sahib olduğu əsas müsbət xüsusiyyətlər onların dayanıqlı və uzunömürlü olması, kənar təsirlərə müqavimət göstərə bilməsi və qiymətinin münasib olmasıdır.

Ölkəmizin tikinti bazarında müxtəlif işlərin icrası üçün dəmir künclüklər var. Belə ki, Bakıda metal künclük satışı tələbat olan istiqamətlərdən biridir. Bu səbəbdən də, hər bir müştəri ucuz qiymətə hər növ metal künclük əldə etmək şansına malikdir.