Armatur Xomut

XOMUT - QİYMƏTİ, SATIŞI VƏ ÇATDIRILMASI
 
Xomut şlanqların, kiçik diametrli boruların və elektrik naqillərinin quraşdırılması, bərkidilməsi və bağlanılması üçün istifadə olunan materialdır. Bu halqavari materiallar işin effektivliyini və etibarlılığını artırmaq üçün əvəzsiz məhsuldur.

Bu materialın quruluşu kifayət qədər sadədir və üzüyü xatırladır. Həmçinin, xomutlar həm metaldan, həm də plastik materialdan hazırlanır. Xomutlar əsas olaraq möhkəm materialların birləşdirilməsi və bərkidilməsi üçün nəzərdə tutulur. Bu məhsulun köməyi ilə çox sayda tapşırığın öhdəsindən gəlmək mümkündür. Xomutların köməkliyi ilə su sızıntısının belə qarşısını almaq olar. Bununla yanaşı, bu materiallardan təmir sənayesində də geniş istifadə olunur.

Xomutların bir neçə növləri vardır və icra ediləcək tapşırığın təsnifatından asılı olaraq müvafiq xomut seçilir. Bununla yanaşı, geniş çeşidli xomutların qiyməti malların ölçüsündən, markasından və sayından asılıdır.

Beləliklə, xomutların növləri, onların fərqləri və istifadə olunma sahələrinə nəzər salaq:

• Şlanq xomutları. Bu cür modellər şlanqların və yaxud digər elastik materialların möhkəm birləşdirilməsi üçün istifadə olunur. Bu zaman sözügedən bu model xomutlar sürətlə quraşdırıla və sökülə bilən müvəqqəti bərkidici rolunu oynayırlar. Həmçinin, bu xomutları bir neçə dəfə istifadə etmək mümkündür;
• Boru xomutları. Bu cür xomutlardan boruları divarlara və yaxud digər daşıyıcı konstruksiyalara bərkitmək üçün tətbiq olunur. Tikinti bazarında müxtəlif diametrlərə sahib bu modeldə xomutlar satılır;
• Ventilyasiya xomutları. Adından da göründüyü kimi bu cür xomutlardan ventilyasiya sistemlərinin bərkidilməsi və quraşdırılması üçün istifadə olunur. Bu məqsəd üçün istifadə olunan xomutlar iki nazik polad lövhələrdən hazırlanır və bir-birinə bolt və qayka ilə bağlanır;
• Təmir üçün xomut. Bu cür xomutdan boruların bağlanması üçün istifadə olunur və bu növlərdən istifadə zamanı qaynaq tələb olunmur. Həmçinin, təmir üçün xomutlardan su təchizatı sistemlərində baş vermiş qəzaların sürətlə aradan qaldırılması üçün istifadə olunur. Sözügedən məqsədlər üçün çox hissəli, bir tərəfli və iki tərəfli xomutlar ayırd edilir;
• Plastik xomutlar. Bu xomutların istehsalı zamanı neylondan istifadə olunur.

Bakıda xomutların satışı ilə bağlı elanlar ilə maraqlanırsınızsa tikinti materiallarının onlayn kataloquna nəzər yetirməyiniz məsləhətdir. Belə ki, bazarda xomut alqı-satqısı ilə bağlı kifayət qədər təkliflər mövcuddur. Bu təkliflər sırasında xomutların həm topdan, həm də pərakəndə satışı ilə bağlı elanlar var. Ən ucuz xomut məhsulunu da həmçinin tapmaq artıq çox asandır.