Beton qatqıları

BETON QATQILARI - QİYMƏTİ, SATIŞI VƏ ÇATDIRILMASI

Tikinti sahəsi müasir dövrün tələblərinə uyğun olaraq daim təkmilləşir. Belə ki, inşa edilən hər hansı tikilinin ömrünün uzun olması üçün bu gün bazarda yeni-yeni məhsullar peyda olur.

Keçmişdə olduğu kimi, bu gün də beton ən çox tələbat olan material olaraq qalır. Aydın məsələdir ki, beton dözümlülük tələb edən tikinti obyektlərinin inşası zamanı geniş istifadə olunur. Bu zaman tikililərin daha dayanıqlı və uzunmüddətli olmasını təmin edən amillərdən biri də beton qatqılarıdır. Bu qatqılar betona əlavə müsbət xüsusiyyətlər qazandırır və onun daha dayanıqlı olmasına zəmanət verir.

Beləliklə, beton qatqıları həm təbii, həm də qeyri-təbii mənşəli kimyəvi maddələrdir. Bu əlavələrə maye və sərt halında rast gəlinir. Həmçinin, növlərinin çox sayda olması sahib olduqları müxtəlif xüsusiyyətlər ilə izah edilir. Bu səbəbdən də hər hansı inşaat prosesi zamanı tələb olunan beton qatqısını düzgün seçməyi bacarmaq lazımdır.

Qeyd etdiyimiz kimi, beton qatqıları bir neçə növə ayrılır və betona ayrı-ayrılıqda əlavə xüsusiyyətlər qazandırırlar.

İnşaat zamanı betonun keyfiyyətini və davamlılığını artırmaq üçün əsas olaraq aşağıdakı qatqılardan istifadə olunur:

• Şaxta əleyhinə qatqılar;
• Plastifikatorlar;
• Betonun hərəkətliliyini qorumaq üçün qatqılar;
• Modifikatorlar;
• Betonun daha davamlı olması üçün qatqılar;
• Hidrofobizatorlar;
• Sıxlaşdırıcı qatqılar və s.

Bu gün beton qatqıları olmadan yüksək keyfiyyətli beton məhlulunun hazırlanmasını təsəvvür etmək çətindir. Ötən əsrdə mənfi 5 dərəcədən aşağı temperaturda inşaat işləri həyata keçirmək mümkün olmurdusa, bu gün xüsusi qatqılardan istifadə sayəsində çox soyuq havada belə beton mükəmməl şəkildə sərtləşir. Bu isə o deməkdir ki, beton qatqıları beton məhlulundan ətraf mühitin temperaturundan asılı olmayaraq istənilən vaxt istifadə etməyə şərait yaradır. Həmçinin, antifriz beton qatqıları sayəsində betondan sualtı tikililərin, su anbarlarının və stansiyalarının, hovuzların və s. tikililərin inşasında istifadə etmək mümkündür.
 
Bu gün ölkəmizin tikinti bazarında beton qatqılarının satışı özünəməxsus yerə malikdir. İnşa etdiyi tikilinin uzunömürlü olmasını istəyən hər kəsin beton əlavələrindən istifadə etməsi məsləhətdir. Bazarda beton qatqılarının həm pərakəndə, həm də topdan satışı həyata keçirilir. Beton qatqılarının qiyməti isə sərfəli olmaqla hər müştərinin büdcəsinə uyğundur.