Dam örtükləri (22 elan)

DAM ÖRTÜKLƏRİ - QİYMƏTİ, SATIŞI VƏ ÇATDIRILMASI

Damı olmayan evi ev adlandırmaq bir qədər çətindir. Dam üçün isə müxtəlif növ örtüklərdən istifadə olunur. Dam örtükləri evi bir çox ətraf təsirlərdən qorumaqla yanaşı ona xüsusi gözəllik qazandırır. Bu örtüklərin isə bir neçə növləri vardır və hər bir ayrılıqda müəyyən xüsusiyyətlərə sahibdirlər. Belə ki, dam örtüklərinin bəzi növləri şəhər, bəziləri isə şəhərdən kənarda istifadə üçün idealdır. Aydın məsələdir ki, evdən tutmuş kənd təsərrüfatına qədər bir çox tikililər dam örtüklərinə ehtiyac duyur. Bütün bu məqsədlər üçün dam örtüyü seçərkən ayrı-ayrılıqda örtüklərin xüsusiyyətlərinə bələd olmaq lazımdır. Bununla yanaşı, dam örtüklərinin seçimi iqlim, müştərinin tələbi, tikilinin növü və quruluşu, müştərinin büdcəsi və s. bu kimi amillərdən də asılıdır. 

Geniş yayılmış dam örtüklərinə aşağıdakı növləri nümunə olaraq göstərə bilərik:

Metal-kirəmit. Bu dam örtükləri 12-45 dərəcə arası meyillikdə quraşdırılır. Metal-kirəmit müxtəlif iqlim şəraitlərində kottec və alçaq mərtəbəli tikililərin dam örtüklərinin vurulması zamanı geniş istifadə olunur.

Metal-kirəmitin üstün cəhətləri:

• Çəkisi yüngüldür;
• Quraşdırılması asandır;
• Qiyməti ucuzdur;
• Müxtəlif rəng və formalara sahibdir.

Elastik kirəmit. Elastik kirəmit çox yamaclı da daxil olmaqla çətin konstruksiyalı damlarda geniş istifadə olunur. Bu növ kirəmitlərin 11-dən 90 dərəcəyə qədər meyilliklə quraşdırılması tövsiyə olunur. 

Elastik kirəmitin üstün cəhətləri:

• Etibarlı şəkildə hidroizolyasiya edir;
• Quraşdırılma zamanı çox az miqdarda itkiyə gedir;
• Tikilini yüksək istilik və səs izolyasiyası ilə təmin edir;
• Çəkisi yüngüldür;
• Korroziyaya uğramır.

Kompozit kirəmit. Kompozit kirəmitlər çoxqatlı dam örtüyüdür və metal-kirəmit və elastik kirəmitin xüsusiyyətlərini daşıyır. Kompozit kirəmit universal dam örtüyü hesab edilir. Bu örtüklər temperatur dəyişmələrinə, yağıntılara və ultrabənövşəyi şüalara qarşı dayanıqlıdır. Bu cür dam örtükləri 12 dərəcədən yuxarı meylliliklə quraşdırılır.

Kompozit kirəmitin üstün cəhətləri:

• Yüksək səs izolyasiyasına malikdir;
• Yüngüldür;
• Yanğına davamlıdır;
• 50 ildən 100 ilə qədər istifadə müddəti var;
• Korroziyaya uğramır. 

Yuxarıda qeyd edilənlərlə yanaşı, sementli-qumlu kirəmit, keramik kirəmit və ondulindən də geniş istifadə olunur. 

Ölkəmizin tikinti bazarından metaldan tutmuş keramik kirəmitlərə qədər hər növ dam örtükləri ala bilərsiniz. Bakıda ucuz və münasib qiymətə dam örtükləri böyük tələbatla satılır. Bu sahə üzrə xidmət günü-gündən rahatlaşır və artıq onlayn kataloqda dam örtükləri qiymətlərini araşdıra və ən sərfəli seçimi etmək mümkündür. Dam üçün müxtəlif örtüklər isə topdan və pərakəndə satılır. Bununla yanaşı, elanlar sırasında işlənmiş və ikinci əl dam örtüklərinin satışı ilə bağlı da təkliflər var.