Divar kağızları

DİVAR KAĞIZLARI - QİYMƏTİ, SATIŞI VƏ ÇATDIRILMASI

Divar kağızları təmir zamanı ən geniş yayılmış tikinti materiallarından biridir. İnteryer dizaynı zamanı əksər hallarda məhz divar kağızlarına üstünlük verilir. Sözügedən bu divar kağızlarının müxtəlif növləri mövcuddur. Oboy hazırlandığı materiala, rütubətə dözümlülük dərəcəsinə, dekorativ görünüşünə və bir sıra digər xüsusiyyətlərinə görə məhz bu növlərə bölünür. 

Beləliklə, divar kağızları ilk olaraq hazırlandığı materiala görə aşağıdakı növlərə bölünür:

• Kağız oboy;
• Flizelin oboy;
• Vinil oboy;
• Parça oboy və s.

Yuxarıda qeyd edilən istənilən növ divar kağızını divara yapışdırmaq üçün mütləq şəkildə oboy yapışdırıcılardan istifadə olunur.

Kağız materialdan olan divar kağızlarından əsas olaraq çirklənmənin az olduğu otaqlarda istifadə olunur və bunlardan hamam otaqlarında, mətbəxlərdə və dəhlizlərdə istifadə etmək məsləhət görülmür. Çünki bu oboylar yuyulmur. Lakin bununla belə, kağız oboylar yataq və uşaq otaqlarında, qonaq otaqlarında və kabinetlərdə uğurla istifadə olunur. 

Flizelin oboylar rahat istifadə şərtləri ilə seçilir və oboyu özü vurmaq istəyən ev sahibləri üçün ideal seçimdir. Belə ki, bu divar kağızları ilə təmir zamanı yapışqan yalnızca divara sürtülür, oboyu kleyləməyə isə ehtiyac duyulmur. Oboy quruduqda isə üzərində qırışlar əmələ gəlmir və divara orijinal görünüş bəxş edir. Flizelin oboylar da həmçinin yuyulmur.

Vinil oboylar isə nəmişliyə qarşı yüksək dözümlülük göstəricilərinə malikdir və öz dekorativ xüsusiyyətlərini uzun müddət ərzində qoruyub saxlayır. Ehtiyac yaranarsa vinil oboyları yumaq mümkündür. Bu səbəbdən də onlardan əsas olaraq hamam otağı və mətbəxdə istifadə olunur. 

Parça oboylar öz dəbdəbəli görünüşü ilə seçilirlər. Bu oboylar vasitəsilə həm klassik, həm də müasir tərzdə dizayn yaratmaq mümkündür. Parça oboyları yumaq mümkün olmasa da, üzəri quru parça ilə silinə bilər. 

Bu gün təmir-tikinti sahəsində yuxarıda qeyd edilən oboylarla yanaşı, bir sıra dəbli və modern divar kağızları da istehsal edilir. Bu ən son model oboylar alıcılar tərəfindən böyük maraqla qarşılanır və əksər hallarda müştərilər seçimini məhz bu məhsullardan yana edirlər. Yəqin ki, hər kəs Bakıda və şəhərdən kənarda çox sayda oboy evləri ilə qarşılaşıb. Arzu olunan oboyu tapmaq üçün bu mağazaları gəzmək əhəmiyyətli dərəcədə vaxt və enerji itkisinə səbəb olur. Bunun əvəzində ən son modellərin də yer aldığı onlayn oboy kataloquna nəzər yetirərək hər növ divar kağızlarını əldə etmək mümkündür. Kataloqda yer alan elanlar sırasında ucuzdan tutmuş bahalı divar kağızlarına qədər çox sayda təkliflər var.