Kataloq Alıcının sifarişi Logistika

Konteyner (0 elan)

KONTEYNER - QİYMƏTİ, SATIŞI VƏ ÇATDIRILMASI

Yüklərin daşınması müxtəlif vasitələr ilə həyata keçirilir. Bu zaman yükün texniki və istifadə xüsusiyyətlərindən asılı olaraq yükü daşıyacaq vasitə seçilir. Məhz bu məqsədlər üçün bir çox hallarda konteynerlərdən istifadə olunur. Bu unikal vasitə həm topdan və kiçik həcmli yüklərin daşınması üçün əvəzsiz köməkçidir. 

Konteynerlərdən bir çox hallarda və sahələrdə istifadə olunur. Buna nümunə olaraq bir yerdən digər yerə köçmək, təmir və s. zamanı əşyaların daşınmasını göstərə bilərik. Bununla yanaşı, konteynerlərdən biznes çərçivəsində yük daşınması üçün də istifadə olunur. 

Konteynerlərdən istifadə etməyin rahatlığı ondan ibarətdir, bu vasitə ilə daşınacaq yükləri torbalara, qutulara və digər yeşiklərə yığmaq tələb olunmur. Bu zaman yükü konteynerin daxilində xüsusi yerə yerləşdirmək kifayət edir. Bunun ardınca isə konteyner daşıyıcı nəqliyyat vasitəsinin (avtomobil, vaqon, gəmi, təyyarə və s.) üzərinə yerləşdirilir və daşınma üçün hazır vəziyyətə gətirilir. Bu isə o deməkdir ki, konteyner yola düşməzdən əvvəl nəqliyyat vasitəsinə etibarlı şəkildə bərkidilir. Bununla yanaşı, konteynerlərin ölçüləri və tutumu onu daşıyacaq olan nəqliyyat vasitəsinin dözümlülük dərəcəsinə uyğun olmalıdır. Yalnız bütün bu cəhətləri nəzərə alaraq daşınan yüklərin təhlükəsizliyini təmin etmək mümkündür. 

Yük daşıyan konteynerlər ilə yanaşı ofis tipli konteynerləri də xüsusi vurğulamaq lazımdır. Sendviç panellərdən hazırlanan bu cür daşınan ofis tipli konteynerlər inşaat sahəsində çox geniş şəkildə istifadə olunur. Belə ki, tez bir zamanda qurulan və rahatlıqla daşına bilən bu ofis konteynerlər tikinti sahəsində fəhlə və işçilərin məskunlaşması üçün ideal seçimdir. Üstəlik, bu konteynerlər həyat üçün zəruri olan elektrik və istilik sistemi, mətbəx və hamam otağı ilə təchiz edilir. Bununla yanaşı, ofis tipli konteynerlərdən daşına bilən yeməkxana, yataqxana, ofis, ilkin tibbi yardım məntəqəsi və s. olaraq da istifadə etmək çox əlverişlidir. Bununla yanaşı, hazır anbar tipli konteynerlər də mövcuddur.

Konteynerlərin bir neçə növləri vardır və onlar taxtadan, diktdən, dəmirdən və s. materiallardan istehsal oluna bilər. Konteyner icarəyə götürməzdən və yaxud ümumilikdə almazdan əvvəl konteynerin daşınacaq yükə uyğunluğunu nəzərdən keçirmək məsləhətdir. Bakıda hər gün çox sayda yüklərin daşınmasının şahidi oluruq. Bu daşınmalar zamanı konteynerlər çox sərfəli vasitə hesab olunur. Belə ki, paytaxtda ucuz qiymətə konteynerlər tapmaq çətin məsələ deyil. Həmçinin, bir çox konteyner sahibləri bu əvəzsiz vasitələrin həm icarəsi, həm də satışı ilə bağlı bir sıra sərfəli təkliflər irəli sürürlər. Konteynerlərin icarə və satış qiymətləri bazar standartlarına tam uyğundur və bir çox müştərilər üçün əlçatandır.

Daha çox bax