Polikarbonat (1 elan)

POLİKARBONAT - QİYMƏTİ, SATIŞI VƏ ÇATDIRILMASI

Sənaye sahəsində və gündəlik həyatımızda digər materiallardan daha praktik və davamlı olması ilə seçilən polikarbonatdan geniş istifadə olunur. Polikarbonat lövhələr müxtəlif rənglərdə və qalınlıqda ola bilir. Bununla yanaşı, bu məhsullar fərqli şəffaflıq və möhkəmlik dərəcələrinə malik olmaqla kənar təsirlərə qarşı yüksək dayanıqlıq nümayiş etdirirlər. Müasir dövrdə həyatımızı plastik material olmadan təsəvvür etmək çətindir. Polikarbonat tikinti sahəsində geniş istifadə olunan plastik materialın bir növüdür. 

Beləliklə, yüngül çəkili olması ilə fərqlənən polikarbonat lövhələr naveslərin, navalçaların, istixanaların, avtomobil naveslərinin, hasarların inşası və digər sahələrdə tətbiq edilir.

Bütün bu məqsədlər üçün isə polikarbonatın aşağıdakı növlərindən istifadə olunur:

• Məsaməli;
• Monolit;
• Relyefli;
• Dalğalı.

Hər dörd növ polikarbonat materialı müxtəlif sahələrdə istifadə olunur. Misal üçün qeyd edək ki, məsaməli polikarbonat lövhələrdən istixana, saxlanma anbarları və qış bağlarının inşası zamanı istifadə olunur. Yox əgər, navalçalar, avtomobil dayanacaqları və yaxud sistematik olaraq zərbəyə məruz qalacaq bir məkan üçün dam örtüyü tələb olunursa bu zaman relyefli polikarbonatlardan istifadə edilməsi daha məqsədəuyğundur. Bu növ polikarbonat öz forması sayəsində ən möhkəm olan növdür. Dalğalı və relyefli polikarbonatlar mahiyyət etibarilə eyni növə aid edilə bilər. 

Kənar şəxslər tərəfindən müəyyən zərbələrə məruz qala biləcək vitrinlər və reklam lövhələri üçün monolit löhvələrdən istifadə etmək məsləhət görülür. Bu lövhələr də relyefli polikarbonatlar kimi möhkəmdirlər. Lakin yeganə fərq bu lövhələrin hamar səthə malik olmasıdır. İstənilən halda bu polikarbonat material güclü zərbələrə davamlıdır.

Bununla yanaşı, yüksək keyfiyyəti ilə seçilən bu polikarbonatlardan tikinti və kənd təsərrüfatı sahələrində dam örtükləri qismində geniş istifadə olunur. Həmçinin, yuxarıda da qeyd etdiyimiz kimi, bu sınmayan polkarbonat listlərdən avtobus dayanacaqları, yol nişanları, mühafizə xətlərin, həmçinin avtomobil faralarının yaradıldığını görmək mümkündür. 

Bu gün ölkənin tikinti bazarında yerli istehsal olunan polikarbonat material ilə yanaşı, Türkiyə və Rusiya istehsalı məhsullara da rast gəlinir. Yerli istehsal olunan nümunələr heç də xarici mıhsullardan geri qalmır. Qeyd etdiyimiz kimi, polikarbonat lövhələrin bir neçə növləri var və müştəri bəzən çətin seçim qarşısında qalır. Polikarbonat satışı həyata keçirən peşəkar satıcılar bu problemi yerindəcə həll etmək bacarıqlarına sahibdirlər və müştərini bütün lazımi informasiya ilə təmin edirlər. Bazarda polikarbonat lövhələrin qiymətləri bütün müştərilər üçün qaneedici səviyyədədir. Ucuz qiymətə satılan polikarbonat lövhələr sayəsində hər müştəri öz tələblərinə uyğun material almaq imkanına sahibdir.